မက်ဆီနဲ့ ဟာလန်းလို့ တံဆိပ်ရိုက်ထားတဲ့ အထုပ်တွေထဲမှ ကိုကင်း ၁၀၃၆ ပေါင်ကို ကိုလံဘီယာနယ်စပ် တူကန်မြို့မှာ အီကွေဒေါအာဏာပိုင်တွေက သိမ်းဆည်းရမိခဲ့ပါတယ်။
ကာချီခရိုင် တူကန်မြို့မှာ ကိုလံဘီယာအမျိုးသမီးတစ်ဦး မောင်းနှင်လာတဲ့ ထရပ်ကားကို ရှာဖွေစစ်ဆေးရာမှာ လျှို့ဝှက်အခန်းအတွင်းမှ ကိုကင်းအထုတ်ပေါင်း ၃၇၀ ကို တွေ့ရှိခဲ့တာပါ။
ကိုကင်းအထုတ် ၃၇၀ အနက် ၃၃၉ ထုပ်ဟာ မန်စီးတီးကြယ်ပွင့် ဟာလန်းပုံနဲ့ နာမည် တံဆိပ်ရိုက်ထားပြီး ကျန် ၃၁ ထုပ်ကတော့ အာဂျင်တီးနားအသင်းခေါင်းဆောင် မက်ဆီပုံနဲ့ နာမည် တံဆိပ်ရိုက်ထားပါတယ်။ ဟာလန်းနဲ့ မက်ဆီလို့ တံဆိပ်ရိုက်ထားတာဟာ ပို့ဆောင်ရမယ့်နေရာ၊ လက်ခံမယ့်သူ ဒါမှမဟုတ် ကိုကင်းအရည်အသွေးကို ခွဲခြားဖော်ပြတဲ့ နည်းစနစ်တစ်ခု ဖြစ်တယ်လို့ ဆိုပါတယ်။
မာရီယာကာမီလာလို့ အမည်ရတဲ့ ကိုလံဘီယာအမျိုးသမီးကိုတော့ မူးယစ်ဆေးဝါး ကုန်ကူးမှုနဲ့ ဖမ်းဆီးထိန်းသိမ်းထားပါတယ်။
Ref: Ecuador seizes half-ton of cocaine marked with Haaland, Messi names
NZ (ရိုးရာလေး)
