မင်းသမီး ဂိုယွန်ဂျောင်က “Nambeol” ဇာတ်ကားအသစ်မှာ ပါဝင်သွားမှာဖြစ်ပါတယ်။ ထုတ်လုပ်ရေးကုမ္ပဏီ Hive Media Corp က ဒီဇာတ်ကားအသစ်မှာ အဓိကဇာတ်ဆောင်အဖြစ် ရွေးချယ်ထားတယ်လို့ ကြေညာခဲ့တာပါ။
ယွန်ဂျောင်က မင်းသားကြီး လီဗြောင်ဟွန်းနဲ့အတူ ပါဝင်သရုပ်ဆောင်ရမှာဖြစ်ပါတယ်။ လီဗြောင်ဟွန်းက စစ်သည်အဖွဲ့ရဲ့ခေါင်းဆောင် အမ်အွန်အဖြစ် ပါဝင်မှာဖြစ်သလို ယွန်ဂျောင်က သန်မာပြီး လွတ်လပ်တဲ့အမျိုးသမီးတစ်ဦးဖြစ်တဲ့ အေယောင်းအဖြစ် ပါဝင်မှာဖြစ်ပါတယ်။
Nambeol ဇာတ်ကားက ဂျိုဆွန်းခေတ်အစောပိုင်းမှာ ဇာတ်အိမ်တည်ထားပြီး စွမ်းရည်အမျိုးမျိုးနဲ့ လူမှုရေးအဆင့်အတန်းရှိတဲ့ စစ်သည် ၉ ဦးဟာ ဂျပန်ပင်လယ်ဓားပြတွေရဲ့ ပြန်ပေးဆွဲခံရတဲ့ သုံ့ပန်းတွေကို ကယ်တင်ဖို့ ဆူရှီးမားကျွန်းဆီ ခရီးနှင်တဲ့ သမိုင်းနောက်ခံအက်ရှင်ဇာတ်ကားဖြစ်ပါတယ်။ လတ်တလောမှာတော့ ထုတ်လုပ်ဖို့ ပြင်ဆင်နေတဲ့အဆင့်မှာရှိနေပြီး ၂၀၂၆ ခုနှစ် ဒုတိယနှစ်ဝက်မှာ စတင်ရိုက်ကူးဖို့စီစဉ်ထားပါတယ်။
Ref: Go Youn Jung Confirmed To Star Alongside Lee Byung Hun In Upcoming Historical Action Film
WL (ရိုးရာလေး)
