ဆွီဒင်နိုင်ငံသား စွန့်စားသွားလာသူ တောင်တက်သမား ဂိုရန်ခရော့ဟာ ဆွီဒင်ကနေ နီပေါနိုင်ငံကို စက်ဘီးစီးလာပြီးနောက် လမ်းပြ မပါ၊ အောက်ဆီဂျင် အထောက်အပံ့မပါဘဲ ဧဝရက်တောင်ထိပ်ကို တက်ရောက်နိုင်ခဲ့ပြီး ဆွီဒင်နိုင်ငံထံ စက်ဘီးစီး ပြန်ခဲ့သူပါ။ သူဟာ ဧဝရက်တောင်ထိပ်ကို တက်ရောက်နိုင်ခဲ့တဲ့ ပထမဆုံး စကင်ဒီနေးဗီးယန်းသားလည်း ဖြစ်ပါတယ်။
![](https://yoyarlay.com/wp-content/uploads/2024/05/3.5.24-yyl-4.jpg)
အသက် ၆ နှစ်သားအရွယ်မှာ သူ့အဖေက သူ့ကို စကင်ဒီနေးဗီးယားဒေသရဲ့ အမြင့်ဆုံးတောင်ဖြစ်တဲ့ ဂယ်ဟော့ပစ်ဂျန်တောင်ထိပ်ထံ ခေါ်သွားခဲ့ရာကနေ တောင်တက်ဝါသနာ ပါခဲ့ပြီး ကျောင်းပြီးချိန်မှာ လေထီးတပ်ထဲ ဝင်ခဲ့ပါတယ်။ လေထီးတပ်ထဲမှာ အပြင်းအထန် လေ့ကျင့်ခဲ့ရတဲ့ ဂိုရန်ခရော့ဟာ ကမ္ဘာ့တိုက်ကြီးအသီးသီးမှ မြင့်မားတဲ့တောင်တွေကို တက်ရောက်ခဲ့ပြီး ၁၉၉၆ ခုနှစ်မှာ ဧဝရက်တောင်ကို တက်ရောက်အောင်မြင်ခဲ့တာပါ။
![](https://yoyarlay.com/wp-content/uploads/2024/05/3.5.24-yyl-5.jpg)
ဂိုရန်ခရော့ဟာ အမေရိကန်နိုင်ငံ၊ ဝါရှင်တန်မြို့မှာရှိတဲ့ Frenchman Coulee ကျောက်ဆောင်ကို တွယ်တက်နေတုန်း ပေ ၆၀ အမြင့်ကနေ ပြုတ်ကျခဲ့တာကြောင့် ဦးခေါင်းဒဏ်ရာရခဲ့ပြီး အသက် ၃၅ နှစ်အရွယ်မှာ ကွယ်လွန်ခဲ့ပါတယ်။
Ref: Göran Kropp
NZ ( ရိုးရာလေး)