ခေါင်းတစ်ခြမ်းကိုက်ခြင်းကို ဘာလို့ခံစားနေရတာလဲ

ခေါင်းထဲမှာ ထိုးအောင့်ပြီး အရမ်းနာကျင်စွာခေါင်းကိုက်တာကို လူအများစုခံစားကြရမှာပါ။ အဲဒီလိုမျိုးခေါင်းကိုက်လာရင်း နေလို့ထိုင်လို့မရဖြစ်ပြီး အလုပ်တွေလည်း အာရုံစိုက်လို့မရဖြစ်ရပါတယ်။ ခေါင်းကိုက်တာက အသက်အရွယ်မရွေး အဖြစ်များကြပါတယ်။ ဒါပေမဲ့ တချို့လူတွေကတော့ ခေါင်းတခြမ်းပဲကိုက်တာကို ကြုံတွေ့ခံစားရပါတယ်။ ခေါင်းကိုက်တဲ့နေရာက ပြဿနာရဲ့အရင်းအမြစ်ကို ဖော်ထုတ်နိုင်ပြီး ဘယ်လိုဖြေရှင်းရမလဲဆိုတာလည်း သိနိုင်ပါတယ်။ အခု ဒီဆောင်းပါးကနေ ဘယ်လို ခေါင်းတခြမ်းပဲကိုက်သလိုခံစားရလဲဆိုတာကို ပြောပြပေးသွားမှာဖြစ်ပါတယ်။

အမျိုးမျိုးသော အာရုံကြောဆိုင်ရာပြဿနာတွေကလည်း ခေါင်းတစ်ခြမ်းကိုက်ခြင်းကို ဖြစ်စေနိုင်ပါတယ်။ ခေါင်းတစ်ခြမ်းမှာ စူးခနဲဖြစ်တာ၊ တစ်ဆစ်ဆစ်ကိုက်တာတွက ခေါင်းနောက်ပိုင်းအကြောတက်ခြင်းကြောင့် ခေါင်းကိုက်ရတာဖြစ်ပါတယ်။ ကျောရိုးနဗ်ကြောထိပ်ပိုင်းနဲ့ ဦးရေပြားကြားက အာရုံကြောတချို့ ထိခိုက်မိသွားတဲ့အခါမျိုးမှာ ဖြစ်လာရတာပါ။

Teporal Arteritis အဆစ်နာခြင်းကြောင့်လည်း ခေါင်းတစ်ခြမ်းကိုက်ခြင်းကို ခံစားရနိုင်ပါတယ်။ Temporal arteritis ဆိုတာက ဦးခေါင်းနဲ့လည်ပင်းမှာရှိတဲ့သွေးလွှတ်ကြောတွေရောင်ရမ်းလာတာကိုပြောတာပါ။ သွေးလွှတ်ကြောတွေ ရောင်ရမ်းလာတဲ့အခါမှာ ဦးနှောက်ထဲက သွေးစီးဆင်းမှု ခက်ခဲသွားစေပါတယ်။ လူတစ်ယောက်က ကြွက်သားနာကျင်တာ၊ ပင်ပန်းနွမ်းလျတာ၊ မေးရိုးနာကျင်တာတွေနဲ့အတူ ခေါင်းတစ်ခြမ်းကိုက်ခြင်းကို ခံစားကောင်းခံစားရနိုင်ပါတယ်။
ဦးရေပြားမှာရှိတဲ့ မျက်နှာနဲ့ ဦးခေါင်းတို့ကို ဆက်ထားတဲ့အာရုံကြောတွေကို သက်ရောက်စေတဲ့ နာတာရှည်နာကျင်မှု အခြေအနေဖြစ်တဲ့ Trigeminal neuralgiaရောဂါကြောင့်လည်း မျက်နှာမှာ နာကျင်တာနဲ့ ခေါင်းတစ်ခြမ်းကိုက်တာကို ခံစားရနိုင်ပါတယ်။

သင် ပုံမှန်သောက်သုံးနေတဲ့ ဆေးဝါးတွေက ဘေးထွက်ဆိုးကျိုးဖြစ်ပြီး ခေါင်းကိုက်တာကို ခံစားရနိုင်ပါတယ်။ ဆေးဝါးအလွန်အကျွံသောက်သုံးမိရင်လည်း ခေါင်းကိုက်ခြင်းကို ခံစားရနိုင်ပါတယ်။

ခေါင်းတစ်ခြမ်းကိုက်ခြင်းကို ဖြစ်စေနိုင်တဲ့အခြားအရာတွေကတော့
– ဓာတ်မတည့်ခြင်း
– ပင်ပန်းနွမ်းလျခြင်း
– ခေါင်းထိခိုက်ဒဏ်ရာရခြင်း
– ရောဂါကူးစက်ခြင်း
– ဦးနှောက်အကျိတ်တို့ဖြစ်ပါတယ်။

ခေါင်းကိုက်တာက ကျွန်တော်တို့အများစု ဖြစ်လေ့ဖြစ်ထရှိတဲ့ ယာယီကျန်းမာရေး အခြေအနေတစ်ခုပါ။ ခေါင်းကိုက်ဝေဒနာကို မခံစားနိုင်တော့ဘူးဆိုရင် အကိုက်အခဲပျောက်ဆေးသောက်တာ၊ အိမ်တွင်းနည်းလမ်းတွေသုံးပြီး ပျောက်ကင်းအောင်လုပ်ကြပါတယ်။ တစ်နေ့ကို ဆေးနှစ်လုံးထက် ပိုမသောက်ပါနဲ့။ ခေါင်းကိုက်တာကို မကြာခဏခံစားနေရင်ပြီးဆိုရင် မျက်စိအားနည်းတာ၊ အဖျားရှိတာ၊ ဇက်ကြောတက်တာ၊ သွေးအားနည်းတာတွေကြောင့်ဖြစ်နိုင်လို့ ဆရာဝန်နဲ့ ချက်ချင်းပြကြည့်သင့်ပါတယ်။

Ref: Why do some people have headaches only on one side?]

WL (ရိုးရာလေး)