The Little Mermaid ပရိသတ်တွေအတွက် စိတ်လှုပ်ရှားစရာသတင်းတစ်ခုကိုတော့ Disney က ကြေညာပေးလိုက်ပါပြီ။
၂၀၁၉ ခုနှစ်ဟာ ၁၉၈၉ ခုနှစ်တုန်းက စတင်ထွက်ရှိခဲ့တဲ့ The Little Mermaid ရဲ့ အနှစ် (၃၀) ပြည့်မြောက်တဲ့နှစ်ပတ်လည်ဖြစ်တာကြောင့် The Little Mermaid အတွက် Live action ရိုက်ကူးသွားဖို့ရှိကြောင်း (၂၀၁၆) ခုနှစ်တည်းက Disney က အသိပေးထားခဲ့ဖူးပါတယ်။ ဒါကြောင့် ပရိသတ်တွေက တကယ်ထွက်ရှိမယ့်ရက်၊ ပါဝင်သရုပ်ဆောင်မယ့် ဇာတ်ကောင်တွေနဲ့ ဇာတ်လမ်း၊ ဇာတ်ညွှန်းအကြောင်းတွေကိုသိရဖို့ စောင့်ဆိုင်းနေခဲ့ကြပါတယ်။
ဒီ Live action မှာ ကျွန်တော်တို့ငယ်ဘဝကချစ်ခင်နှစ်သက်ခဲ့ရတဲ့ ရေသူမလေး အေရီရယ်အဖြစ် သရုပ်ဆောင်ဖို့ အဆိုတော်မလေး ဟဲလ် ဘိုင်လီကို Disney က ရွေးချယ်လိုက်
အခု ဒီ Live action မှာ ကျွန်တော်တို့ငယ်ဘဝကချစ်ခင်နှစ်သက်ခဲ့ရတဲ့ ရေသူမလေး အေရီရယ်အဖြစ် သရုပ်ဆောင်ဖို့ အဆိုတော်မလေး ဟဲလ် ဘိုင်လီ (Halle Bailey) ကို Disney က ရွေးချယ်လိုက်တဲ့အကြောင်းကတော့ သေချာသွားပါပြီ။ အေရီရယ် နေရာမှာသရုပ်ဆောင်ဖို့ ဘိုင်လီကို ရွေးချယ်လိုက်တဲ့အတွက် ပရိသတ်တချို့ကသဘောမတူဖြစ်ခဲ့ကြပေမဲ့ တော်တော်များများက သူ့အတွက်ဂုဏ်ပြုစကားဆိုထားတာကို တွေ့ရပါတယ်။ ဘိုင်လီကိုယ်တိုင်ကလည်း “Dream Come True” လို့ တွစ်တာတာမှာရေးတင်ထားခဲ့ပါတယ်။
ဘိုင်လီကိုယ်တိုင်ကလည်း “Dream Come True” လို့ တွစ်တာတာမှာရေးတင်ထား
အသက် (၁၉) နှစ်အရွယ် အညိုစင် အဆိုတော်မလေး ဘိုင်လီဟာ Chloe x Halle ဆိုတဲ့ အမျိုးသမီးနှစ်ယောက်တွဲ Girls Band တစ်ခုကို သူ(မ)အစ်မ ချိုလီ (Chloe) နဲ့အတူဖွဲ့ထားပြီး ဂီတအလုပ်တွေလုပ်နေသူပါ။
Chloe x Halle ဆိုတဲ့ အမျိုးသမီးနှစ်ယောက်တွဲ Girls Band တစ်ခုကို သူ(မ)အစ်မ ချိုလီ (Chloe) နဲ့အတူဖွဲ့ထားပြီး ဂီတအလုပ်တွေလုပ်နေသူ
သီချင်းဆိုကောင်းတဲ့အပြင် အေရီရယ်လေးလိုပဲ ကခုန်သီဆိုရတာကို နှစ်သက်တဲ့သူမျိုး ဖြစ်တာကြောင့် Live Action မှာ ဘယ်လိုပုံစံမျိုးနဲ့ တွေ့ရမလဲဆိုတာတော့ စိတ်ဝင်စားစရာပါပဲ။
Ref: Boredpanda “Disney Has Announced That Halle Bailey Will Star As Ariel In The “Little Mermaid” Remake”
Po Mo Htoo Aung (ရိုးရာလေး)
