နာမည်ကြီးတောင်ကိုရီးယားအနုပညာရှင်စုံတွဲဖြစ်တဲ့ မင်းသား ဂျောင်ဂယောင်းဟို နဲ့ Girls’ Generation အဖွဲ့ဝင်အဆိုတော်မင်းသမီး ချွဲဆူယောင်းဟာ ၁၄ နှစ်တာ ဆက်ဆံရေးကို အဆုံးသတ်ခဲ့တာပါ။ သူတို့ လမ်းခွဲလိုက်တယ်ဆိုတာကို ဇွန်လ ၉ ရက်နေ့က သတင်းမီဒီယာမှာ ဖော်ပြခဲ့ကြပါတယ်။
သူတို့နှစ်ဦးက အနုပညာအလုပ်ကိုယ်စီနဲ့ အလုပ်များလာတာကြောင့် လမ်းခွဲဖို့ဖြစ်လာခဲ့တယ်လို့ ဖော်ပြထားပါတယ်။ ဒီသတင်းနဲ့ပတ်သက်ပြီး ဆူယောင်းရဲ့အေဂျင်စီ SARAM Entertainment က “သူတို့လမ်းခွဲလိုက်တာမှန်ပါတယ်။ ကောင်းမွန်တဲ့လုပ်ဖော်ကိုင်ဖက်အနေနဲ့ ဆက်ရှိနေဖို့ ဆုံးဖြတ်လိုက်ကြတာပါ”လို့ ဆိုပါတယ်။
ဂယောင်းဟိုရဲ့အေဂျင်စီ Management Allum ကလည်း “သူတို့လမ်းခွဲလိုက်တာမှန်ပါတယ်။ ကိုယ်ရေးကိုယ်တာကိစ္စဖြစ်တဲ့အတွက် အသေးစိတ်ပြောပြပေးဖို့ ခက်ခဲပါတယ်”လို့ ထုတ်ပြောသွားခဲ့ပါတယ်။
ဂယောင်းဟိုနဲ့ ဆူယောင်းတို့နှစ်ဦးဟာ ချစ်သူသက်တမ်းအကြာဆုံးအနုပညာရှင်စုံတွဲတွေထဲက တစ်တွဲအဖြစ် လူသိများပါတယ်။ သူတို့နှစ်ဦးဟာ ၂၀၁၂ ခုနှစ်ကတည်းက တွဲခဲ့ကြပြီး ၂၀၁၄ ခုနှစ် ဇန်နဝါရီကျမှ သူတို့ရဲ့ဆက်ဆံရေးကို လူသိရှင်ကြား အသိပေးခဲ့တာဖြစ်ပါတယ်။
Ref: Jung Kyung Ho and Girls’ Generation’s SooYoung have broken up after 14 years of dating.
WL(ရိုးရာလေး)
