အမေရိကန်အဆိုတော် ကေတီပယ်ရီဟာ American Idol သီချင်းဆိုပြိုင်ပွဲမှာ ပြိုင်ပွဲဝင်တွေနဲ့အတူ သီချင်းဆိုနေတုန်း ဒူးကွေးပြီး ကလိုက်ချိန်မှာ ဘောင်းဘီကွဲသွားခဲ့လို့ အုတ်အော်သောင်းနင်း ဖြစ်သွားခဲ့ပါတယ်။ ပြီးခဲ့တဲ့တနင်္လာနေ့မှာ ကေတီပယ်ရီက သူ့ရဲ့နာမည်ကျော်သီချင်း Teenage Dream ကို ဆိုနေတုန်း ဒူးကွေးလိုက်ချိန်မှာ ဘောင်းဘီချုပ်ရိုး ပွင့်ထွက်သွားခဲ့တာပါ။
ပရိသတ်တွေက အံ့အားသင့်နေချိန်မှာ ကေတီပယ်ရီက ” တိတ်လေးများ ရနိုင်မလား” လို့ ဆိုခဲ့ပါတယ်။ အဲဒီနောက်မှာ ကယ်တီပယ်ရီက ဘောင်းဘီကွဲနေတဲ့ နေရာကို တိတ်ပတ်ခိုင်းခဲ့ပြီး သူ့ခုံမှာ သွားပြန်ထိုင်နေခဲ့ပါတယ်။ ဒီဖြစ်ရပ်အတွက် ကေတီပယ်ရီက တောင်းပန်ခဲ့သလို ” ကျွန်မရဲ့ကိုယ်ကျပ်ဘောင်းဘီကြောင့် ရှင်တို့နှလုံးသားတွေကို ဒုန်းစိုင်းစေခဲ့ပြီ” လို့လည်း အရွှန်းဖောက်ခဲ့ပါတယ်။
Ref: CNN “Katy Perry split her pants during ‘American Idol’ performance”
Nz ( ရိုးရာလေး )
