One Direction အဖွဲ့ဝင်ဟောင်း လီယမ်ပိန်းဟာ ဖေဖော်ဝါရီလက တစ်နာရီကို မိုင် ၃၀ နှုန်းပဲ မောင်းနှင်ရမယ့်ဇုန်မှာ တစ်နာရီကို ၄၃ မိုင်နှုန်းနဲ့ မောင်းနှင်ခဲ့တာကို ဖမ်းမိပြီးနောက် ယာဉ်စည်းကမ်းဥပဒေကို ချိုးဖောက်ခဲ့တာကြောင့် ဒဏ်ငွေ ၂၉၃ ပေါင် ပေးဆောင်ရမယ့်အပြင် ကားမောင်းခွင့် ၆ လ ပိတ်ခံခဲ့ရပါတယ်။
သူ့ရဲ့အမှုကို အောက်တိုဘာ ၉ ရက်နေ့က Lavender Hill Magistrates တရားရုံးမှာ ကြားနာခဲ့ပေမဲ့ သူ တက်ရောက်စရာမလိုခဲ့ပါဘူး။ ဒါပေမဲ့ သူက အမြန်နှုန်းကန့်သတ်ချက်ကိုနားမလည်ခဲ့ဘဲ အရှိန်လွန်မောင်းနှင်ခဲ့တဲ့အတွက် တောင်းပန်ခဲ့ပါတယ်။ သူက ငွေကြေးဆိုင်ရာအချက်အလက်တွေကို ပေးဖို့ ငြင်းဆိုခဲ့ပေမဲ့ ချမှတ်ထားတဲ့ ဒဏ်ငွေကို ပေးဆောင်ဖို့ ကတိပြုခဲ့ပါတယ်။
အရင်ကလည်း လီယမ်က ကျန်းမာရေးပြဿနာများစွာရှိခဲ့ပြီး ပြီးခဲ့တဲ့လက ကျောက်ကပ်ဝေဒနာခံစားရပြီးနောက် အီတလီမှာ ဆေးရုံတက်ခဲ့ရပါတယ်။ ဆေးရုံမတက်ခင် ရက်သတ္တပတ်အနည်းငယ်အလိုမှာ ပြင်းထန်တဲ့ ကျောက်ကပ်ပိုးဝင်တဲ့ရောဂါအတွက် ကုသမှုခံယူထားရတယ်လို့ ထုတ်ဖော်ပြောကြားခဲ့ပြီးနောက် တောင်အမေရိကက ရှိုးပွဲတွေကို ဖျက်သိမ်းလိုက်ရပါတယ်။
Ref: Liam Payne banned from driving for 6 months
WL (ရိုးရာလေး)
