ကိုရီးယားဇာတ်လမ်းတွဲတွေလိုပဲ ထိုင်းဇာတ်လမ်းတွဲတွေကလည်း မြန်မာပရိသတ်တွေရဲ့ရင်ထဲကို ထိုးဖောက်ဝင်ရောက်နေပါတယ်။ ထိုင်းဇာတ်လမ်းတွဲတွေကို မြန်မာပရိသတ်တွေအားပေးလာတာနဲ့အမျှ ထိုင်းအနုပညာရှင်တွေကိုလည်း နှစ်ခြိုက်အားပေးလာကြပါတယ်။ မြန်မာပရိသတ်တွေကြိုက်နှစ်သက်အားပေးနေတဲ့ ထိုင်းအနုပညာရှင်များစွာရှိပါတယ်။ အဲဒီအနုပညာရှင်တွေထဲကမှ နာမည်ကြီးထိုင်းမင်းသမီးနှစ်ဉီးကတော့ အခုနှစ် ၂၀၂၁ခုနှစ်မှာလည်း သူတို့ရဲ့ကျော်ကြားမှုက တဟုန်ထိုး ဆက်လက်မြင့်တက်လာနေပါတယ်။ အဲဒီမင်းသမီးနှစ်ဉီးကတော့ Mai Davika နဲ့ Baifern Pimchanok တို့ပါပဲ။ သူတို့တွေက ထိုင်းနိုင်ငံရဲ့ဘယ်ရုပ်သံလိုင်းနဲ့မှ စာချုပ်ချုပ်ဆိုထားခြင်းမရှိတဲ့ အလွတ်တမ်းမင်းသမီးတွေပါပဲ။
Mai Davika က ၂၀၂၀ခုနှစ်တုန်းကလည်း အင်စတာဂရမ်မှာ Follower အများဆုံး ထိုင်းအမျိုးသမီးဆယ်လီ (၃) ဉီးစာရင်းထဲမှာ ပါဝင်ခဲ့ပါတယ်။ ၂၀၂၀ခုနှစ် နှစ်ကုန်ပိုင်းမှာ Follower ၁၂.၃ သန်းရှိခဲ့ပါတယ်။ အခုနှစ်မှာတော့ အင်စတာဂရမ်မှာ Follower အများဆုံးအမျိုးသမီးဆယ်လီစာရင်းရဲ့ နံပါတ် ၂ နေရာမှာ ရပ်တည်နေပါတယ်။ လက်ရှိ Mai Davika က သူ့ရဲ့တရားဝင်အင်စတာဂရမ်အကောင့်မှာ Follower ၁၄ သန်းကျော်ရှိနေပါပြီ။ ၂၀၂၁ခုနှစ်မှာ သူ့ရဲ့ Wanthong ဇာတ်လမ်းတွဲကလည်း လူကြိုက်များခဲ့ပါတယ်။
ပြီးခဲ့တဲ့နှစ်မှာ Baifern Pimchanok က အင်စတာဂရမ်မှာ Follower ၈,၂၀၈,၅၀၇ ရှိခဲ့ပါတယ်။ အခုနှစ်မှာတော့ သူ့ရဲ့တရားဝင်အင်စတာဂရမ်အကောင့်မှာ ၈,၇၀၉,၃၅၃ ရှိခဲ့ပါတယ်။ အဲဒါရဲ့ရလဒ်ကြောင့် Baifern ဟာ Follower အများဆုံးအမျိုးသမီးဆယ်လီစာရင်းမှာ နံပါတ် ၁၀ နေရာကို ချိတ်ခဲ့ပါတယ်။ သူ့ရဲ့ဇာတ်လမ်းတွဲအသစ် 46 Days ကလည်း ထုတ်လွှင့်ပြသလျက်ရှိပြီး ကြည့်ရှုသူပရိသတ်တွေလည်း သဘောကျနှစ်ခြိုက်နေကြပါတယ်။
Ref: Mai Davika and Baifern Pimchanok gain popularity continuously this year
WL (ရိုးရာလေး)
