တချို့လူတွေက သူတို့ရဲ့အရေးပါတဲ့သူတွေအပေါ်ထားတဲ့ ချစ်ခြင်းမေတ္တာကို သက်သေပြဖို့ လိုတာထက်ပိုပြီး ထူးခြားတဲ့အရာတွေလုပ်လေ့ရှိပါတယ်။ အဲ့ဒီလို သက်သေပြတဲ့အထဲမှာ လူမှုကွန်ယက်အသုံးပြုသူတွေကို မယုံကြည်နိုင်လောက်အောင်ဖြစ်သွားစေတဲ့ အမျိုးသားတစ်ဦးလည်းအပါအဝင်ပါပဲ။ အဲဒီအမျိုးသားက သူ့ရဲ့ချစ်သူကောင်မလေးနာမည်ကို သူ့ရဲ့အောက်နှုတ်ခမ်းအတွင်း တက်တူးထိုးထားတဲ့အတွက် လူမှုကွန်ယက်အသုံးပြုသူတွေကို အာရုံစိုက်စေခဲ့ပါတယ်။
အောက်နှုတ်ခမ်းအတွင်း နာမည်ထိုးထားတဲ့ဗီဒီယိုကို တက်တူးပညာရှင် Abhishek Sapkal က ပြီးခဲ့တဲ့နှစ် ဒီဇင်ဘာမှာ တင်ခဲ့တာဖြစ်ပေမဲ့ အခု လူမှုကွန်ယက်မှာ ပျံ့နှံ့နေပါတယ်။ အဲဒီအမျိုးသားရဲ့အောက်နှုတ်ခမ်းအတွင်း Amruta ဆိုတဲ့နာမည်ကို ထိုးထားတာတွေ့ရပါတယ်။
ဒီဗီဒီယိုက ကြည့်ရှုသူ ၉ သန်းကျော်ရှိပြီး အပြောင်အပျက်ကွန်မန့်တွေလည်း ပေးခဲ့ကြပါတယ်။ လူမှုကွန်ယက်အသုံးပြုသူတော်တော်များများက အဲ့ဒီအမျိုးသားကို “ရှုးသွပ်တဲ့သူ”လို့ ပြောဆိုခဲ့ကြပါတယ်။
Ref: Man Gets His Girlfriend’s Name Tattooed Inside His Lower Lip, Internet In Disbelief
WL (ရိုးရာလေး)
