အမေရိကန်နိုင်ငံ ဗာဂျီးနီးယားပြည်နယ် ချက်စပိခ်မြို့မှ Walmart စူပါမားကတ်မှာ သေနတ်သမားတစ်ယောက်ရဲ့ ပစ်ခတ်မှုကြောင့် လူ ၁၀ ယောက် သေဆုံးခဲ့ပါတယ်။ စတိုးဆိုင်မန်နေဂျာလို့ ယူဆထားတဲ့ အမျိုးသားက သေနတ်နဲ့ပစ်ခတ်ခဲ့တာဖြစ်ပြီး နောက်ဆုံးမှာ ကိုယ့်ကိုယ်ကိုယ် အဆုံးစီရင်သွားခဲ့တာပါ။
နိုဝင်ဘာလ ၂၂ ရက် ဒေသစံတော်ချိန် ည ၁၀ နာရီ ၁၂ မိနစ်အချိန်မှာ ပစ်ခတ်မှုဖြစ်ပွားခဲ့တာပါ။ စတိုးဆိုင်ရဲ့ နားနေခန်းထဲမှာ သေနတ်သမားက Walmart ဝန်ထမ်းတွေကို ပစ်ခတ်ခဲ့တာ ဖြစ်ပါတယ်။ ပစ်ခတ်တိုက်ခိုက်ရတဲ့ အကြောင်းရင်းကိုတော့ မသိရသေးပါဘူး။
ကော်လိုရာဒိုပြည်နယ်က LGBT ညကလပ်တစ်ခုမှာ သေနတ်သမားရဲ့ ပစ်ခတ်တိုက်ခိုက်မှုကြောင့် လူ ၅ ယောက် သေဆုံးခဲ့ပြီးနောက် ရက်ပိုင်းအကြာမှာ အခုလို ပစ်ခတ်မှုဖြစ်ပွားခဲ့တာပါ။ ၂၀၁၉ ခုနှစ်ကလည်း တက္ကဆက်ပြည်နယ် အယ်ပါဆိုမြို့က Walmart စတိုးဆိုင်မှာ ပစ်ခတ်မှုဖြစ်ပွားခဲ့လို့ လူ ၂၃ ယောက် သေဆုံးခဲ့ပါတယ်။
Ref:US shooting: Man kills up to 10 in Virginia Walmart store
NZ (ရိုးရာလေး)
