အိန္ဒိယအမျိုးသားတစ်ယောက်ဟာ ကွယ်လွန်သွားတဲ့ ဇနီးသည်ကို အောက်မေ့တသမှုအဖြစ် သူ့အိမ်မှာ ပုံတူရုပ်တုထုလုပ်ထားပါတယ်။ အငြိမ်းစား အစိုးရဝန်ထမ်းတစ်ဦးဖြစ်တဲ့ ဆန်ဒီလာဟာ ၃၉ နှစ်ကြာ ပေါင်းသင်းလာတဲ့ ဇနီးဖြစ်သူကို ကိုဗစ်-၁၉ ကပ်ရောဂါကာလအတွင်း ဆုံးရှုံးခဲ့ရတာပါ။
ကိုဗစ်-၁၉ ကြောင့် နောက်ဆုံးအချိန်မှာ ဇနီးသည် အင်ဒြာနီ ဘေးနား အတူရှိခွင့်မရှိခဲ့တဲ့ ဆန်ဒီလာဟာ ဇနီးသည်ရဲ့ နောက်ဆုံးဆန္ဒကို ဖြည့်ဆည်းပေးတဲ့အနေနဲ့ အမေရိကန်ဒေါ်လာ ၃၀၀၀ (မြန်မာငွေ သိန်း ၇၀ ဝန်းကျင်)အကုန်အကျခံကာ ၆ လအချိန်ယူပြီး ပုံတူရုပ်တု ထုခဲ့တာပါ။ ပန်းပုဆရာကလည်း အင်ဒြာနီရဲ့ မျက်နှာအမူအရာနဲ့ ချွတ်စွပ်တူစေဖို့အတွက် ဆန်ဒီလာ ပြောတဲ့အတိုင်း အသေးစိတ်ပုံဖော်ထုဆစ်ပေးခဲ့တာပါတယ်။
![](https://yoyarlay.com/wp-content/uploads/2023/01/12-1-2023-yyl-99-1.jpg)
အစောပိုင်းမှာ ဆန်ဒီလာရဲ့ မိသားစုဝင်တွေက ကွယ်လွန်သွားသူရုပ်တုကို အိမ်မှာထားမယ့်ကိစ္စအပေါ် ကန့်ကွက်ခဲ့ကြပေမဲ့ ဆန်ဒီလာရဲ့ ပြတ်သားတဲ့ ဆုံးဖြတ်ချက်ကို မလွန်ဆန်နိုင်လို့ လက်လျှော့ခဲ့ရပါတယ်။ အလေးချိန် ၃၀ ကီလိုဂရမ်လေးတဲ့ အန်ဒြာနီရဲ့ ရုပ်တုကို ဆာရီဝတ်ပေးလိုက်ချိန်မှာတော့ လူအစစ်လား အထင်မှားလောက်အောင် အသက်ဝင်တာ တွေ့ရပါတယ်။
![](https://yoyarlay.com/wp-content/uploads/2023/01/12-1-2023-yyl-100.jpg)
Ref: Man Lives with 30-Kg Life-Size Silicone Model of Dead Wife
NZ (ရိုးရာလေး)