ကိုလံဘီယာနိုင်ငံက ကာယဗလမောင် ရူဘီယယ်မိုစကွီရာဟာ လည်ပင်းကြွက်သား တောင့်တင်းမှုကြောင့် လည်ပင်းဇီလာ (လည်ပင်း+ ဂေါ်ဇီလာ) လို့ လူသိများ ထင်ရှားပါတယ်။ ကြွက်သား အပြိုင်းပြိုင်းထနေတဲ့ သူ့ရဲ့ခန္ဓာကိုယ်မှာတောင် လည်ပင်းကြွက်သားက သိသိသာသာ ထင်ရှားနေပြီး လုံးပတ် လက်မ ၂၀ အထိ ရှိပါတယ်။ ဒါဟာ သာမန်လူသားတစ်ယောက်နဲ့ယှဉ်ရင် တော်တော်ကြီးမားတဲ့ အရွယ်အစားပါ။
![](https://yoyarlay.com/wp-content/uploads/2023/10/11.10.23-yyl-9.jpg)
သူဟာ ကာယဗလမောင်တွေထဲမှာ လည်ပင်းကြွက်သား အတောင့်တင်းဆုံးလို့ ထင်ကြေးပေးခံထားရပေမဲ့ တရားဝင် သတ်မှတ်ခံရခြင်းတော့ မရှိသေးပါဘူး။ မိုစကွီရာက ခန္ဓာကိုယ် ကြွက်သားအားလုံးကို တပြေးညီ လေ့ကျင့်ပေမဲ့ သူ့ရဲ့ အထူးခြားဆုံး အားသာချက်ဖြစ်တဲ့ လည်ပင်းကြွက်သားတွေကိုတော့ အင်စတာဂရမ်ပေါ်မှာ မကြာခဏ တင်လေ့ရှိပါတယ်။
![](https://yoyarlay.com/wp-content/uploads/2023/10/11.10.23-yyl-10.jpg)
Ref:Meet Neckzilla, the Thickest Neck in Bodybuilding
NZ ( ရိုးရာလေး)