နိုင်ဂျီးရီးယားအမျိုးသမီးတစ်ဦးဟာ ၁၁ ရက်ကြာ အချိန်ယူပြီး ကမ္ဘာ့အရှည်ဆုံး ဆံပင်တု ဖန်တီးကာ စံချိန်သစ် တင်ခဲ့ပါတယ်။ ပရော်ဖက်ရှင်နယ် ဆံပင်တုဖန်တီးသူ ဟယ်လန်ဝီလျံ ဖန်တီးတဲ့ ဆံပင်တုဟာ ၁၁၅၂ ပေ၊ ၅ လက်မ ရှည်လျားပြီး ဂင်းနက်စ် စံချိန် တင်နိုင်ခဲ့တာပါ။
ဝီလျံဟာ ဆံပင်တု ၁၀၀၀ ၊ ဆံပင်ဖျန်းဆေး ၁၂ ဘူး၊ ကော် ၃၅ ဘူး၊ ဆံပင်ညှပ်ကလစ် ၆၂၅၀ ကို အသုံးပြုပြီး ဆံပင်တု ဖန်တီးခဲ့တာပါ။ ဝီလျံဟာ ဆံပင်တု ဖန်တီးတဲ့ သက်တမ်း ၈ နှစ်ရှိပြီး တစ်ပတ်ကို ဆံပင်တု ၅၀ ကနေ ၃၀၀ ကြား ဖန်တီးလေ့ရှိပါတယ်။
” ကမ္ဘာ့အရှည်လျားဆုံး ဆံပင်တုဖန်တီးဖို့ ပစ္စည်းတွေ ရှာဖွေရတာ မလွယ်ကူပါဘူး။ ဆံပင်တုဖန်တီးမှု အတွေ့အကြုံကြောင့်သာ အခုလို ဖန်တီးနိုင်ခဲ့တာပါ” လို့ ဝီလျံက ဆိုပါတယ်။
Ref: Nigerian woman’s wig measures 1,152 feet and 5 inches long
WL ( ရိုးရာလေး)
