ဘဟားမားစ်မှာ ဟာရီကိန်းမုန်တိုင်း ဒိုရိန်းကြောင့် သေဆုံးသူဦးရေမြင့်တက်လာနေ

ပြီးခဲ့တဲ့ ဗုဒ္ဂ္ဓဟူးနေ့ကစတင်ပြီး (၂) ရက်ကြာတိုက်ခတ်ခဲ့တဲ့ ဟာရီကိန်းမုန်တိုင်း ဒိုရိန်း (Hurricane Dorian) ကြောင့် ဘဟားမားစ်နိုင်ငံမြောက်ပိုင်းက Abacos ကျွန်းစုတွေနဲ့ Grand Bahama မှာ နေအိမ်ပေါင်းထောင်ချီပျက်စီးသွားခဲ့ရပြီး လူသေဆုံးမှုတွေလည်းရှိလာခဲ့ပါတယ်။ လက်ရှိအချိန်အထိမှာ သေဆုံးသူဦးရေ (၃၀) ထိရှိလာပြီလို့လည်း သတင်းတွေမှာ ဖော်ပြနေပါတယ်။

ဘဟားမားစ်ဝန်ကြီးချုပ် ဟူဘတ် မင်းနစ် (Hubert Minnis) က သေဆုံးမှုတွေက ဒီထက်ပိုများလာနိုင်သေးပြီး အကြီးအကျယ်ထိခိုက်ပျက်စီးမှုကို ဖြစ်စေခဲ့ကြောင်း ပြောဆိုခဲ့ပါတယ်။

လူဦးရေရာချီ ပျောက်ဆုံးနေဆဲဖြစ်ပြီး သေဆုံးသူတွေတဲ့ရုပ်အလောင်းတွေသိမ်းဆည်းနိုင်ဖို့အတွက် ရုပ်အလောင်းထည့်စရာအိတ်တွေ၊ အအေးခံသေတ္တာတွေနဲ့ ဈာပနကိစ္စဆောင်ရွက်သူပေးမယ့်သူတွေကိုလည်း မုန်တိုင်းဒဏ်သင့်ဒေသတွေထံ ပို့ဆောင်ပေးထားပြီးဖြစ်တယ်လို့ ကျန်းမာရေးဝန်ကြီး Dr. Duane က ဆိုခဲ့ပြီး ကုလသမဂ္ဂအရာရှိတစ်ဦးက လက်ရှိအချိန်အတွင်း ဘဟားမားစ်နိုင်ငံမြောက်ပိုင်းမှာ အကူအညီရရှိဖို့လိုအပ်နေတဲ့သူ (၇၀၀၀၀) ခန့်ရှိနေဆဲဖြစ်ကြောင်း ဂါးဒီယန်းသတင်းဌာနကို ပြောကြားခဲ့ပါတယ်။

Ref: CGTN “Death toll rises to 30 after devastating Hurricane Dorian hits Bahamas”

TH (ရိုးရာလေး)