ရုရှားသိပ္ပံပညာရှင်တွေဟာ ကိုရိုနာဗိုင်းရပ်စ်သစ်ကို တိုက်ဖျက်နိုင်ဖွယ်ရှိတဲ့ ကာကွယ်ဆေးနမူနာတွေကို ဆိုက်ဘေးရီးယားဒေသ ဓာတ်ခွဲခန်းတွေမှာ တိရစ္ဆာန်တွေကို ထိုးသွင်းစမ်းသပ်မှု လုပ်ခဲ့ပါတယ်။ ရုရှားနိုင်ငံမှာ Covid-19 ကူးစက်ခံရသူ ၁၉၉ ယောက် ရှိနေပြီး တခြားဥရောပနိုင်ငံတွေထက်ယှဉ်ရင် ကူးစက်မှုပမာဏ နည်းပါတယ်။ ဒါပေမဲ့ ပြီးခဲ့တဲ့ရက်ပိုင်းအတွင်းမှာတော့ ရုရှားနိုင်ငံမှာ Covid-19 ကူးစက်ခံရသူ အရေအတွက သိသိသာသာ မြင့်တက်လာပါတယ်။
ရုရှားနိုင်ငံမှာ Covid-19 ရှိတဲ့ လူနာတစ်ယောက် သေဆုံးခဲ့ပါတယ်။ နိုဗိုဆီဘက်စ်မြို့ရှိ ဗက်တာပြည်နယ် ဗိုင်းရပ်စ်ဗေဒနဲ့ ဇီဝနည်းပညာစင်တာက သိပ္ပံပညာရှင်တွေဟာ နည်းပညာဆိုင်ရာ ပလက်ဖောင်းခြောက်ခုကို အခြေခံထားတဲ့ ကာကွယ်ဆေးနမူနာတွေ ဖန်တီးပြီး ဘယ်လောက်ထိရောက်မှုရှိလဲ၊ ကာကွယ်ဆေး ပမာဏ ဘယ်လောက် ထိုးသင့်လဲဆိုတာကို စမ်းသပ်ခဲ့တာပါ။ Covid-19 ကာကွယ်ဆေးဖန်တီးတဲ့ လုပ်ငန်းဟာ အချိန်ကြာမြင့်ပြီး ရှုပ်ထွေးတဲ့ လုပ်ငန်းစဉ်တစ်ခုဖြစ်လို့ အချိန် ၁၂ လကနေ ၁၈ လကြား ကြာမြင့်နိုင်တယ်လို့ သိပ္ပံပညာရှင်တွေက ပြောပါတယ်။
Nz (ရိုးရာလေး)
