အထူးပညာရေးဆရာမဖြစ်တဲ့ ဆာဗန်နာ ဘာတန် နဲ့ သူ့ရဲ့ကျောင်းသူလေး ဆိုဖီတို့ဟာ မေလ ၇ ရက်နေ့က Pittsburgh Half Marathon ကို ပြေးခဲ့ကြတယ်။ ကျောင်းသူလေး ဆိုဖီက အသံမဲ့ဆက်သွယ်သူတစ်ယောက်ဖြစ်တဲ့အပြင် လမ်းလျှောက်ရာမှာ အကူအညီလိုတဲ့ မသန်စွမ်းသူတစ်ယောက်ပါ။
ဆရာမ ဆာဗန်နာက ဆိုဖီနဲ့အတူ ၁၃.၁ မိုင် ပြေးခဲ့တာပါ။ ပြိုင်ပွဲတစ်ဝက်ကျော်ကျော်လောက်ကတော့ ဆိုဖီကို တွန်းလှည်းနဲ့ခေါ်ပြီး ပြေးခဲ့ပေမဲ့ နောက်ပိုင်း ပန်းတိုင်ရောက်ခါနီးမှာ သူ့အကူအညီနဲ့ တွဲပြီး ပြေးခဲ့တာပါ။
သူတို့နှစ်ဦးက ၂ နာရီနဲ့ ၄၃ မိနစ်မှာ မာရသွန်ပြေးတာပြီးဆုံးခဲ့ပါတယ်။ “ကျွန်မတို့ ခက်ခဲတဲ့အရာတွေ လုပ်နိုင်ခဲ့ပြီ။ ကျွန်မရဲ့ချစ်စရာကောင်မလေးအတွက် အရမ်းဂုဏ်ယူပါတယ်”လို့ ဆရာမဆာဗန်နာဟာ အပြေးပြိုင်ပွဲနေ့က ပုံတွေနဲ့ လူမှုကွန်ယက်အကောင့်မှာ မျှဝေခဲ့တာပါ။
Ref: Special education teacher runs half-marathon with student
WL (ရိုးရာလေး)
