ပေါ့ပ်ဘုရင်မတေလာဆွစ်ဖ်ဟာဆိုရင် The Eras Tour ရဲ့ အမေရိကန်ဖျော်ဖြေပွဲမတိုင်ခင် သူ့ရဲ့ The Eras Tour ဝန်ထမ်းတွေအားလုံးကို ဘောနပ် ဒေါ်လာ ၁၀၀၀၀၀စီ ပေးခဲ့ပါတယ်။
တေလာဟာ သူ့ရဲ့ကမ္ဘာလှည့်ဖျော်ဖြေပွဲတွေအတွင်း သူ့ရဲ့ဝန်ထမ်းတွေကို အပိုဆုကြေးများစွာပေးတယ်လို့ နာမည်ကြီးနေတာပါ။ သူ့ဆီကနေ လက်ရေးစာနဲ့အတူ ဘောနပ်တွေအများကြီးရရှိခဲ့တယ်ဆိုတာကိုအဖွဲ့သားတစ်ဦးက အခုမှ ထုတ်ပြောလာခဲ့တာပါ။
ရောဘတ်အမည်ရတဲ့ ဝန်ထမ်းတစ်ဦးထံ ပေးပို့ထားတဲ့ စာမှာ “The Eras Tour ရဲ့ အမေရိကန်ဖျော်ဖြေပွဲမှာ မင်းရဲ့အကောင်းဆုံးလုပ်ဆောင်မှုအတွက် ကျေးဇူးတင်ပါတယ်။ မင်းရဲ့ထိုက်တန်တဲ့ဆုကြေးက ဒေါ်လာ ၁၀၀၀၀၀ ပါ။ ချစ်ခြင်းမေတ္တာဖြင့် တေလာ”လို့ ရေးထားတာပါ။
လွန်ခဲ့တဲ့ ၂ နှစ်ကလည်း တေလာဟာ သူ့ရဲ့အကသမား၊ ကကွက်ဆရာတွေနဲ့ ဖျော်ဖြေရေးအဖွဲ့သားတွေကို ဘောနက် ဒေါ်လာ ၁၉၇ သန်းပေးခဲ့တယ်လို့လည်း ဆိုပါတယ်။
တေလာဟာ ၂၀၂၃ ခုနှစ် မတ်လမှာ စတင်ခဲ့တဲ့ သူ့ရဲ့စံချိန်တင်ကမ္ဘာလှည့်ဖျော်ဖြေပွဲ Eras Tour ရဲ့နောက်ဆုံးရှိုးကို ဒီဇင်ဘာ ၈ ရက်နေ့က ကနေဒါနိုင်ငံ၊ ဗန်ကူးမားမှာ ဖျော်ဖြေတင်ဆက်ခဲ့တာပါ။
Ref: Taylor Swift gave The Eras Tour staff $137k bonus each for US leg of concerts
WL (ရိုးရာလေး)
