X-Men ဇာတ်ကားတွေထဲ “Wolverine”ဇာတ်ကောင်နဲ့ လူသိများတဲ့ မင်းသားဟုဂျက်မန်းဟာ Laughing Man Coffeeအမှတ်တံဆိပ်ကုမ္ပဏီကိုလည်း ပူးတွဲတည်ထောင်ထားတာပါ။ အဲ့ဒီကရတဲ့ အမြတ်ငွေတွေကို ဖောင်ဒေးရှင်းမှာ ထည့်ဝင်ထားပါတယ်။
ဟုဂျက်မန်းဟာ၂၀၀၉ ခုနှစ်က ဖွံ့ဖြိုးတိုးတက်ရေးပရောဂျက်တွေအကြောင်း မှတ်တမ်းရုပ်ရှင်အတွက် အီသီယိုးပီးယားကို သွားရောက်ခဲ့ပြီးနောက် အရသာရောရှိပြီး ကော်ဖီစိုက်ပျိုးသူတွေအတွက်ပါ အကူညီပေးနိုင်တဲ့ ကော်ဖီကို ဖန်တီးဖို့စိတ်ကူးရခဲ့ပါတယ်။ အဲ့ဒီလိုနဲ့ ၂ နှစ်အကြာမှာ Laughing Man Coffee ပေါ်ထွက်လာခဲ့တာပါ။
ဒူခါလီအမည်ရတဲ့ အီသီယိုးပီးယားလယ်သမားတစ်ဦးနဲ့ တွေ့ဆုံပြီးတဲ့အချိန်မှာ ကော်ဖီရဲ့တန်ဖိုးနဲ့ ဘဝတွေအပေါ် သက်ရောက်မှုရှိနိုင်ချေကို ဟုဂျက်မန်းနားလည်သဘောပေါက်လာခဲ့တာပါ။
ကော်ဖီအမှတ်တံဆိပ်ကရတဲ့ သူ့ရဲ့အမြတ်ငွေတွေအားလုံးက Laughing Man Foundation ဆီရောက်ပါတယ်။ မကြာသေးခင်ကမှ ဖောင်ဒေးရှင်းက ကိုလံဘီယာနိုင်ငံ၊ ဟွေလာက ကော်ဖီစိုက်ပျိုးရေးအသိုင်းအဝိုင်းကို ပံ့ပိုးဖို့ မျှတတဲ့ကုန်သွယ်မှုထုတ်ကုန်တွေအတွက် စံချိန်စံညွှန်းတွေသတ်မှတ်ပြီး တရားဝင်ထောက်ခံချက်ပေးတဲ့ အကျိုးအမြတ်မယူတဲ့ Fair Trade USA နဲ့ လက်တွဲခဲ့ပါတယ်။
အခုနှစ်မှာ Laughing Man ဟာ COOCENTRAL Cooperative (လယ်ယာစိုက်ပျိုးရေးသမဝါယမ)ရဲ့မိသားစုဝင်တွေကို ကောလိပ်ပညာသင်ဆု ၄၀ အပြင် နေအိမ် ၁၀၀ တိုးတက်ကောင်းမွန်စေဖို့ ရန်ပုံငွေတွေလည်း ထောက်ပံ့သွားမှာပါ။ ဟုဂျက်မန်း ပူးတွဲတည်ထောင်ထားတဲ့ Laughing Man ကော်ဖီရောင်းချမှုက ဆန်ဒရာ အယ်လ်ဗာရာဒိုလို လယ်သမားတွေကို ပံ့ပိုးပြီး သူတို့ရဲ့အိမ်တွေကို ပြန်လည်ပြုပြင်ဖို့ကူညီပေးရာရောက်ပါတယ်။
Ref: TechDAD
WL (ရိုးရာလေး)
