ရန်ကုန်မြို့က Covid-19 ရောဂါကုသရေးဌာန (သုဝဏ္ဏ) စင်တာကို ဇူလိုင်လ (၈) ရက်နေ့ မနက်ဖြန်မှာ ပြန်လည်ဖွင့်လှစ်သွားမှာဖြစ်တယ်လို့ ကျန်းမာရေးနှင့်အားကစားဝန်ကြီးဌာနက သိရပါတယ်။
ရန်ကုန်မြို့မှာ ဖွင့်လှစ်ပြီးဖြစ်တဲ့ Covid-19 ရောဂါကုသရေးဌာနများမှာ ရိုးမရိပ်သာ Covid-19 ရောဂါကုသရေးဌာနမှာ Quarantine (၁၀၀၀) ဦးနဲ့ Covid-19 ရောဂါအတည်ပြုလူနာ (၅၇၆)ဦး၊ Covid-19 ရောဂါကုသရေးဌာန (မရမ်းကုန်း) အင်းယားစင်တာမှာ Covid-19 ရောဂါအတည်ပြုလူနာ (၅၀၀) ဦး၊ MCC Covid-19 ရောဂါကုသရေးဌာနမှာ COVID-19 ရောဂါအတည်ပြုလူနာ (၂၅၀) ဦး တို့ကို လက်ခံကုသပေးသွားမှာဖြစ်တယ်လို့ ထုတ်ပြန်လိုက်ပါတယ်။
ရန်ကုန်ပြည်သူ့ဆေးရုံကြီးနဲ့ အထွေထွေရောဂါဆေးရုံသစ်ကြီး(ရန်ကုန်) မှာလည်း COVID-19 ရောဂါလူနာတွေကို လက်ခံကုသပေးနေပြီဖြစ်တယ်လို့ သိရပါတယ်။
ကျန်းမာရေးနှင့်အားကစားဝန်ကြီးဌာနရဲ့ ဇူလိုင်လ (၆) ရက် ဓာတ်ခွဲစစ်ဆေးချက်တွေအရ မြန်မာနိုင်ငံမှာ Covid-19 ပိုးတွေ့အတည်ပြုလူနာ စုစုပေါင်း (၂၉၆၉) ဦးရှိနေပြီး အဲ့ဒီထဲမှာ ရန်ကုန်မြို့က အတည်ပြုလူနာ (၃၄၈) ဦး ပါဝင်နေပါတယ်။
မြန်မာနိုင်ငံမှာ ဇူလိုင်လ (၆) ရက်နေ့ အထိ Covid-19 ပိုးတွေ့အတည်ပြုလူနာစုစုပေါင်း (၁၇၁,၉၇၆) ဦး၊ ဆေးရုံဆင်းခွင့်ရသူ လူနာစုစုပေါင်း (၁၄၀,၃၈၇) ဦး နဲ့ သေဆုံးသူ လူနာစုစုပေါင်း (၃,၅၁၃) ဦး ရှိနေပြီဖြစ်ပါတယ်။
နေပြည်တော်၊ ချင်းပြည်နယ်၊ ရှမ်းပြည်နယ်၊ စစ်ကိုင်းတိုင်း၊ မန္တလေးတိုင်း၊ ပဲခူးတိုင်းနဲ့ ဧရာဝတီတိုင်းဒေသကြီးစတဲ့ မြိုနယ်တွေထဲမှာရှိတဲ့ မြို့နယ်တချို့ကို နေအိမ်မှာနေထိုင်ရေး (Stay at Home) မြို့နယ်တွေအဖြစ် ကြေညာထားပါတယ်။
Photo- ကျန်းမာရေးနှင့်အားကစားဝန်ကြီးဌာန
Cherry(ရိုးရာလေး)
