ဘိုးဘွားရိပ်သာမှာ ဖူးစာစုံတဲ့ အသက် ၁၀၀ ကျော် ချစ်သူနှစ်ဦးဟာ တရားဝင် ထိမ်းမြားလက်ထပ်လိုက်ကြပါပြီ။ အသက် ၁၀၀ အရွယ် အဘိုးအို ဘာနီလစ်တမန်းနဲ့ အသက် ၁၀၂ နှစ်အရွယ် အဘွားအို မာဂျိုရီတို့ဟာ လွန်ခဲ့တဲ့ ၉ နှစ်ကစပြီး အမေရိကန်နိုင်ငံ၊ ဖီလာဒဲလ်ဖီးယားမြို့မှ ဘိုးဘွားရိပ်သာမှာ ဆုံစည်းခဲ့ကြတာပါ။ တစ်ဦးနဲ့တစ်ဦး မျက်စိအောက်မှ အပျောက်မခံနိုင်တဲ့အထိ သံယောဇဉ် ပိုမိုခိုင်မာလာပြီးနောက် ထိမ်းမြားလက်ထပ်ဖို့ ဆုံးဖြတ်ခဲ့ကြတာပါ။
![](https://yoyarlay.com/wp-content/uploads/2024/05/24.5.24-yyl-3.jpg)
ပုံမှန်အားဖြင့် တိတ်ဆိတ်ငြိမ်သက်နေတဲ့ ဘိုးဘွားရိပ်သာဟာ သူတို့ရဲ့လက်ထပ်ပွဲကြောင့် မင်္ဂလာခန်းမတစ်ခုလို ပျော်ရွှင် စည်ကားတဲ့ နေရာလေးတစ်ခု ဖြစ်သွားခဲ့ပါတယ်။ အံ့အားသင့် ပျော်ရွှင်နေကြတဲ့ နှစ်ဖက်အသိုင်းအဝိုင်းရဲ့ ရယ်မောသံတွေနဲ့ ဝေဆာခဲ့ပြီး အားလုံးလည်း ပျော်ရွှင်ခဲ့ကြတယ်လို့ ဆိုပါတယ်။ တချို့တွေကတော့ သူတို့နှစ်ဦးကိုကြည့်ပြီး အချစ်ဆိုတာ အသက်အရွယ်နဲ့မဆိုင်ဘူးလို့ မှတ်ချက်ပေးခဲ့ကြပါတယ်။
![](https://yoyarlay.com/wp-content/uploads/2024/05/24.5.24-yyl-4.jpg)
Ref: Timeless Love: 100-Year-Old Grandfather Marries 102-Year-Old Sweetheart
NZ ( ရိုးရာလေး)