အမေရိကန်က လာဘရာဒေါနဲ့ ဂျာမန်သိုးထိန်းခွေးမျိုးစပ် ခွေးလေး ဇိုဝီကို ကမ္ဘာ့လျှာအရှည်ဆုံးခွေးလေးအဖြစ် ကမ္ဘာ့ဂင်းနက်စ်စံချိန်မှတ်တမ်းက ကြေညာခဲ့ပါတယ်။ ဇိုဝီရဲ့လျှာက ၁၂.၇ စင်တီမီတာ (၅ လက်မ) ရှိပါတယ်။ အရင်က ဒီစံချိန်ကို ချိုးခဲ့တာဟာ လျှာရဲ့အရှည် ၉.၄၉ စင်တီမီတာ (၃.၇၄ လက်မ) ရှိတဲ့ ဘစ်ဘီဆိုတဲ့ ခွေးလေးပါ။
သခင်တွေဖြစ်တဲ့ ဆာဒီနဲ့ ဒရူး ဝီလျံတို့က ဇိုဝီကို ၆ ပတ်သားအရွယ်မှာ စရတဲ့အချိန် သူ့ရဲ့ပုံမှန်မဟုတ်တဲ့လျှာအရှည်ကြီးကို သတိထားမိခဲ့ပါတယ်။ ဇိုဝီက အပြင်ထွက်လည်ရတာ၊ ဘောလုံးဖမ်းယူရတာ၊ ရှဉ့်လိုက်ရတာ၊ ကားစီးရတာ၊ တူးမြောင်းအတွင်း ရေကူးရတာတွေ ကြိုက်ပါတယ်။ သူ မကြိုက်တဲ့တစ်ခုတည်းသောအရာကတော့ ရေချိုးရတာကိုပါ။ ဇိုဝီက အိမ်နီးနားချင်းတွေကြားမှာလည်း နာမည်ကြီးပါတယ်။
Ref: US Dog Achieves Longest Tongue Guinness World Record & It Outsizes A Soda Can
WL (ရိုးရာလေး)
