COVID-19 ရောဂါ ကူးစက်မှုမှ ကာကွယ်ထိန်းချုပ်နိုင်ဖို့အတွက် ရန်ကုန်ပြည်သူ့ဆေးရုံကြီးရဲ့ အထူးကု ပြင်ပလူနာဌာနတွေကို ဧပြီ ၆ ရက်မှစတင်ပြီး ပြောင်းရွှေ့ဖွင့်လှစ်သွားမယ်လို့ ရန်ကုန်ပြည်သူ့ဆေးရုံကြီးက သတင်းထုတ်ပြန်လိုက်ပါတယ်။
အဲဒီဌာနတွေကို ဗိုလ်ချုပ်အောင်ဆန်းလမ်း၊ လသာ(၂)ကျောင်းဝန်းအတွင်း(ဆေးရုံကြီးရဲ့ မျက်နှာခြင်းဆိုင် ဘက်အခြမ်း)ကို ပြောင်းရွှေ့ဖွင့်လှစ်သွားမှာပါ။ လူဦးရေအကန့်အသတ်နဲ့သာ ကြည့်ရှုပေးမှာဖြစ်ပြီးတော့ သက်ဆိုင်ရာဆေးရုံရဲ့ လွှဲစာတွေပါမှသာ ပြသခွင့်ရရှိမှာဖြစ်ပါတယ်။
အခုလိုပြောင်းရွှေ့ဖွင့်လှစ်မယ့် ပြင်ပလူနာဌာနတွေကို စနေ၊ တနင်္ဂနွေမှလွဲပြီး ကျန်ရက်တွေမှာ မနက် ၉ နာရီမှ နေ့လယ် ၁၂ နာရီထိ တစ်ပိုင်း၊ မွန်းလွဲ ၂ နာရီမှ ညနေ ၄ နာရီထိ တစ်ပိုင်း၊ စုစုပေါင်း အပိုင်းနှစ်ပိုင်းနဲ့ ကြည့်ရှုကုသသွားမှာဖြစ်တယ်လို့ သိရပါတယ်။
KST(ရိုးရာလေး)
