လီဗာပူးကို ပရီးမီးယားလိဂ်ဖလားမပေးရင် ရက်စက်ရာရောက်လိမ့်မယ်လို့ စပါးဂိုးသမား ပြော

4-5-2020-yyl-009.jpg

COVID-19 ကပ်ရောဂါကြောင့် လီဗာပူးအသင်းကို ပရီးမီးယားလိဂ်ဖလား မပေးနိုင်ဘူးလို့ ငြင်းဆန်ရင် ရက်စက်ရာကျလိမ့်မယ်လို့ စပါးဂိုးသမား ဟူဂိုလိုရစ်က ပြောပါတယ်။ ကမ္ဘာတစ်ဝန်း ကူးစက်ပျံ့နှံ့နေတဲ့ COVID-19 ကပ်ရောဂါကြောင့် ပြီးခဲ့တဲ့မတ်လကတည်းက ပရီးမီးယားလိဂ်ပြိုင်ပွဲကို ဆိုင်းငံ့ထားရပါတယ်။ အမှတ်ပေးဇယား ဒုတိယနေရာက မန်စီးတီးအသင်းကို ၂၅ မှတ်ဖြတ်ထားတဲ့ လီဗာပူးအသင်းဟာ နောက်ထပ်ပွဲစဉ် ၂ ပွဲ အနိုင်ရရင် နှစ် ၃၀ အတွင်း ပထမဆုံးအကြိမ်အဖြစ် ပရီးမီးယားလိဂ်ဆုဖလား ဆွတ်ခူးနိုင်တော့မှာပါ။

ဒီရာသီ ပရီးမီးယားလိဂ်ပြိုင်ပွဲကို ဘေးကင်းလုံခြုံပြီး မျှမျှတတ ရာသီသိမ်းနိုင်ဖို့ ကလပ်အသင်းတွေက အစွမ်းကုန် ကြိုးစားရမယ်လို့ ဟူဂိုလိုရစ်က ပြောပါတယ်။ ပရီးမီးယားလိဂ်ပြိုင်ပွဲကို လာမယ့်ဇွန်လအတွင်း ပြန်စနိုင်မလားဆိုတာ ဆွေးနွေးနေကြပေမဲ့ လူစုလူဝေးမလုပ်ခိုင်းတဲ့ ဗြိတိန်အစိုးရရဲ့ ကန့်သတ်ချက်ကို လိုက်နာဖို့ ကြားကွင်းတွေမှာ ကွင်းပိတ်ကစားရဖို့ သေချာသလောက်နီးပါး ရှိနေပါတယ်။ ” ပရီးမီးယားလိဂ်ပြိုင်ပွဲက ရာသီပြီးဆုံးအောင် ကစားရမယ့် အခြေအနေမှာ ရှိနေပါတယ်။ ကွင်းထဲမှာပဲ အဆုံးအဖြတ်ခံယူရမယ်။ ပရီးမီးယားလိဂ်ရာသီမသိမ်းခင် ၉ ရက်အလိုမှာ ဒီလိုအဆုံးသတ်သွားမယ်ဆိုရင်တော့ ထိတ်လန့်စရာပါပဲ။ ဖြတ်ထားတဲ့ အမှတ်ပမာဏအရလည်း လီဗာပူးအတွက် ရက်စက်ရာရောက်လိမ့်မယ်။ သူတို့က ချန်ပီယံဖြစ်ဖို့ သေချာသလောက်ပါပဲ”လို့ ဟူဂိုလိုရစ်က ပြောပါတယ်။

Nz (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top