အသက် ၁၀၀ အရွယ်ဒုတိယကမ္ဘာစစ်မှုထမ်းဟောင်း ဂျက်ခ် မီလ်တန်ဟာ မကြာသေးခင်ကမှ သူ့ရဲ့တစ်သက်တာရည်မှန်းချက်တစ်ခုကို ပြည့်သွားခဲ့ပါတယ်။ အသက် ၁၀၀ ရောက်မှ သူ့ရဲ့ကောလိပ်ဒီပလိုမာဘွဲ့ကို ရယူဖြစ်ခဲ့တာပါပဲ။
သူဟာ ၁၉၆၀ ပြည့်နှစ်က University of Maryland Global Campus (UMGC) College Courses တွေကို သင်ယူခဲ့ပြီး ဘွဲ့ရရှိခဲ့ပေမဲ့ ဘွဲ့နှင်းသဘင်အခမ်းအနားကို တက်ရောက်ပြီး ဘွဲ့မယူခဲ့ရပါဘူး။ သူက ဒုတိယကမ္ဘာစစ်တုန်းက လေယာဉ်မှူးအဖြစ် တာဝန်ထမ်းဆောင်ခဲ့တာပါ။ ဧပြီ ၃၀ ရက်နေ့က သူဟာ သူ့ရဲ့အသက် ၁၀၀ ပြည့်မွေးနေ့ဆင်နွှဲဖို့ ပွဲတစ်ပွဲတက်ရောက်ရမယ်လို့ ထင်ခဲ့တာပါ။ ဒါပေမဲ့ တကယ်တော့ သူ့ကို ဘွဲ့နှင်းအပ်ပေးမယ့် ဘွဲ့နှင်းသဘင်အခမ်းအနားဖြစ်နေခဲ့ပါတယ်။
အခုလို သူ့ကို ဘွဲ့နှင်းသဘင်အခမ်းအနားပြုလုပ်ပေးခဲ့တဲ့အတွက် ကျေးဇူးတင်နေပါတယ်။ သူ့ဘဝတစ်လျှောက်မှာ အခမ်းအနားတော်တော်များများကို တက်ခဲ့ဖူးပေမဲ့ ဒါကတော့ အကြီးကျယ်ဆုံးဖြစ်တယ်လို့ သူကဆိုပါတယ်။ သူက ၃၁ နှစ်တာ စစ်မှုထမ်းပြီး စစ်တပ်ကနေ အနားယူပြီးနောက်မှာလည်း ဘွဲ့နှင်းသဘင်အခမ်းအနားကို အကြိမ်ကြိမ်လွတ်ခဲ့ပေမဲ့ UMGC နဲ့တော့ အမြဲနီးခဲ့ပါဘူး။
သူက the University of Maryland Foundation Board of Trustees ရဲ့ အဖွဲ့ဝင်တစ်ယောက်ဖြစ်ခဲ့တဲ့အပြင် ၂၀၀၁ ခုနှစ်မှာ UMGC President’s Medal ဆုကိုလည်း ရရှိခဲ့ပြီး ပညာသင်ဆုအစီအစဉ်များစွာကိုလည်း ထောက်ပံ့ပေးခဲ့ပါတယ်။
Ref: 100-Year-Old Veteran Finally Receives His College Diploma After Earning Degree in the 1960s
WL (ရိုးရာလေး)
