ရန်ကုန် အောက်တိုဘာ ၁၃
ယာယီသံဃာဆေးရုံမှာ တက်ရောက်ကုသနေတဲ့ သံဃာတော် ၁၁၅ ပါးဟာ ဒီနေ့မနက်ပိုင်းမှာပဲ သက်ဆိုင်ရာ ကျောင်းတိုက်အသီးသီးကို ပြန်လည်ကြွရောက်သွားကြပြီလို့ ဆေးရုံမှာ စေတနာ့ဝန်ထမ်းအဖြစ် တာဝန်ထမ်းဆောင် နေတဲ့ ကိုချမ်းမြေ့ဦးက ရိုးရာလေးကို ပြောပါတယ်။
အဲဒီယာယီသံဃာဆေးရုံကို ဗဟန်း(၃)လမ်းထိပ်က ရတနာဃရ အဘိဓမ္မာ ဓမ္မဗိမ္မာန်တော်ကြီးမှာ ဖွင့်လှစ် ထားတာဖြစ်ပြီးတော့ ခုတင်(၃၀၀)ဆံအဖြစ် COVID-19 အတည်ပြု သံဃာတော်များကိုသာ သီးသန့်အနေနဲ့ ပြုစုကုသ စောင့်ရှောက်ပေးနေတာဖြစ်ပါတယ်။
ဒီနေ့မနက်မှာ ပြန်လည်ကြွရောက်သွားတဲ့ သံဃာတော်တွေထဲမှာ ပန်းဘဲတန်းမြို့နယ်အတွင်းမှာရှိတဲ့ သိမ်တော်ကြီးကျောင်းတိုက်က သံဃာတော် ၇၆ ပါး၊ ကျန်တဲ့ကျောင်းတိုက်များက သံဃာတော် ၃၉ ပါး ပါဝင်တယ်လို့ ကိုချမ်းမြေ့ဦးက ဆိုပါတယ်။
အခုဆိုရင် တက်ရောက်ကုသနေတဲ့ သံဃာတော် ၁၁၅ ပါးဟာ ကျန်းမာရေးလည်း ကောင်မွန်ကြတဲ့အပြင် သတ်မှတ်ထားတဲ့ Quarantine ၁၁ ရက်လည်း ပြည့်မြောက်သွားပြီဖြစ်တဲ့အတွက် သက်ဆိုင်ရာကျောင်းတိုက်တွေကို ပြန်လည်ကြွရောက်သွားကြတာဖြစ်ပါတယ်။
ရတနာဃရ အဘိဓမ္မာ ဓမ္မဗိမ္မာန်တော် ယာယီသံဃာဆေးရုံကို လာရောက်တက်ရောက်ကုသကြတဲ့ သံဃာတော်တွေကို ဆရာဝန် ၁၀ ယောက်၊ သူနာပြု ၁၀ ယောက်၊ စေတနာ့ဝန်ထမ်း ၁၀ ယောက်၊ စုစုပေါင်း အယောက် ၃၀ နဲ့ ကုသစောင့်ရှောက်ပေးနေတာလို့ သိရပါတယ်။
Photo – Chan Myae Oo
KST(ရိုးရာလေး)
