အဆင့်မြင့့်ဂိမ်းနည်းပညာ၊ ဂိမ်းအတွေ့အကြုံသစ်တွေ ဖန်တီးပေးနိုင်ဖို့ ရည်ရွယ်ပြီး မြန်မာနိုင်ငံရဲ့ ပထမဦးဆုံး ပုံရိပ်ယောင်နည်းပညာ အသုံးပြု ဂိမ်းစင်တာ Virtual Reality (VR) Zone ကို The Central Boulevard မှာ ဒီကနေ့ ဖွင့်လှစ်လိုက်ပါပြီ။ အဆင့်မြင့် နည်းပညာများ၊ ဒီဇိုင်းတွေ သုံးထားတဲ့ VR Zone က ဂိမ်းတွေဟာ ဂိမ်းကစားသူတွေကို အမှန်တကယ်ဖြစ်နေသလို ခံစားရစေမယ့် ၃၆၀ ဒီဂရီ ပေးစွမ်းနိုင်မှာဖြစ်ပါတယ်။
ရန်ကုန်မြို့ရဲ့ ပထမဦးဆုံး ဈေးဝယ်လျှောက်လမ်း ဖြစ်တဲ့ The Central Boulevard မှာ တည်ရှိတဲ့ အဲဒီ ဂိမ်းစင်တာသစ်မှာ ဇုန် ၄ ခု ပါဝင်မှာဖြစ်ပါတယ်။ “VR Zone မှာ တပ်ဆင်ထားတဲ့ ဂိမ်းတွေဟာ အိမ်မှာ ကျွန်တော်တို့ ဆော့ကစားနေကြ ဂိမ်းတွေနဲ့ မတူပဲ အပြင်မှာ ကိုယ်ကိုယ်တိုင် အမှန်တကယ် ပါဝင်လုပ်ဆောင်နေရသလို ခံစားချက်မျိုးကို ပေးစွမ်းသွားနိုင်မှာ ဖြစ်ပါတယ်” လို့ ပြောရေးဆိုခွင့်ရှိသူက ပြောပါတယ်။ The Evil: Haunted Table ဂိမ်းကတော့ ၃၆၀ ဒီဂရီ ပုံရိပ်ယောင်တွေ ဖန်တီးထားပြီး ဂိမ်းထဲမှာ မကောင်းဆိုးဝါးတွေလက်ထဲကနေ လွတ်မြောက်အောင် တစ်ယောက်နဲ့တစ်ယောက် ကူညီကယ်တင်ရမယ့် သည်းထိတ်ရင်ဖို ခံစားမှုမျိုး ရရှိမှာပါ။ VR Zone ကို ၂၀၂၀ ခုနှစ်၊ ဖေဖော်ဝါရီလလယ်ကစတင်ပြီး လာရောက်လည်ပတ်နိုင်မယ်လို့ ဆိုပါတယ်။
Team (ရိုးရာလေး)
