ဂျာမနီက ကျားကြီး ‘ဖီဒါ’ ဟာ ၂၀၁၈ ကမ္ဘာ့ဖလားပြိုင်ပွဲမှာ ဂျာမနီအသင်းရဲ့ အောင်မြင်မှုရ မရဆိုတာကို ခန့်မှန်းမှုတွေ ပြုလုပ်ခဲ့ပါတယ်။
ရုရှားနိုင်ငံမှာ ဇွန်လ ၁၇ ရက် တနင်္ဂနွေနေ့ မြန်မာစံတော်ချိန် ည (၉:၃၀) အချိန် ကစားမယ့် ဂျာမနီ လက်ရွေးစင်အသင်းနဲ့ မက္ကဆီကို လက်ရွေးစင်အသင်းတို့ ပွဲစဉ်ကို သောကြာနေ့က ခန့်မှန်းခဲ့တာပါ။
စက္ကူပုံး ၃ ပုံး အဖြစ် ဂျာမနီအလံ၊ မက္ကဆီကိုအလံနဲ့ ဘောလုံးပုံပါတဲ့ စက္ကူပုံးတစ်ပုံးစီ ပြုလုပ်ကာ ရွေးချယ်စေခဲ့တာပါ။ ဘောလုံးပုံ စက္ကူပုံးက သရေရလဒ်ကို ကိုယ်စားပြုဖို့အတွက် ထည့်သွင်းထားတာပဲ ဖြစ်ပါတယ်။ ဒီလို ရွေးချယ်စေခဲ့ရာမှာတော့ ကျားကြီး ‘ဖီဒါ’ က ဂျာမနီအလံပါတဲ့ စက္ကူပုံးကိုပဲ ရွေးချယ်ခဲ့တာပါ။
ကျားကြီး ‘ဖီဒါ’ ဟာ ဂျာမနီလက်ရွေးစင်အသင်းရဲ့ ဇွန် ၂၄ ရက်နေ့ မြန်မာစံတော်ချိန် မနက် (၀၀:၃၀) နာရီမှာ ကစားမယ့် ဆွီဒင်နဲ့ပွဲအပြင် ဇွန် ၂၇ ရက်နေ့ မြန်မာစံတော်ချိန် ည (၈:၃၀) မှာကစားမယ့် တောင်ကိုရီးယားအသင်းနဲ့ ပွဲစဉ်တွေကိုပါ ခန့်မှန်းပေးသွားဦးမှာ ဖြစ်ပါတယ်။
Ref: CGTN “Tiger ‘Fedor’ predicts Germany’s victory for 2018 World Cup”Cj (ရိုးရာလေး)
