လာမယ့်စနေနေ့မှာ ပြန်လည်စတင်တော့မယ့် ဘွန်ဒက်စ်လီဂါပြိုင်ပွဲမှာ ကစားသမား ၅ ယောက်အထိ လူစားလဲခွင့်ပြုမယ်လို့ ဂျာမန်ဘောလုံးအဖွဲ့ချုပ်က ကြေညာခဲ့ပါတယ်။ ကန့်သတ်ထားတဲ့ အချိန်ကာလအတွင်း ဘောလုံးပွဲတွေ ပြီးဆုံးအောင် ကစားရမှာဖြစ်လို့ ပွဲဆက်များချိန်မှာ ကစားသမားတွေ အကျိုးကို ကာကွယ်ပေးနိုင်ဖို့ ကစားသမား ၅ ယောက် လူစားလဲခွင့်ပေးမယ့် စည်းမျဉ်းသစ်ကို နိုင်ငံတကာဘောလုံးအဖွဲ့ချုပ်များ ဘုတ်အဖွဲ့(IFAB)က အတည်ပြုထားပါတယ်။
ဘွန်ဒက်စ်လီဂါပြိုင်ပွဲဟာ ကိုရိုနာဗိုင်းရပ်စ်ကြောင့် ရပ်နားခဲ့ရတဲ့ ဥရောပထိပ်တန်းလိဂ် ပြိုင်ပွဲတွေထဲမှာ ပထမဆုံး ပြန်လည်စတင်တဲ့ ပြိုင်ပွဲဖြစ်လာမှာပါ။ ၂ လကြာ ရပ်နားခဲ့ရတဲ့ ဘွန်ဒက်စ်လီဂါပြိုင်ပွဲကို ပြန်လည်စတင်ချိန်မှာ ကွင်းပိတ်ကစားမှာဖြစ်ပါတယ်။ ဒါ့အပြင် လာမယ့်အားလပ်ရက်မှာ ဘွန်ဒက်စ်လီဂါ-၂ ပြိုင်ပွဲကိုလည်း ပြန်လည်စတင်တော့မှာပါ။
Nz (ရိုးရာလေး)
