အိန္ဒိယနိုင်ငံအနောက်ပိုင်း မွမ်ဘိုင်းမြို့က ဆေးရုံတစ်ခုမှာ COVID-19 ရောဂါရှိတဲ့ ကိုယ်ဝန်ဆောင်အမျိုးသမီးတွေထံကနေ ကျန်းမာသန်စွမ်းတဲ့ ကလေးငယ် ၁၀၀ ကျော် မွေးဖွားပေးနိုင်ခဲ့ပါတယ်။ ပြီးခဲ့တဲ့လက လိုမန်ယာတီလက် အထွေထွေဆေးရုံမှာ ရောဂါပိုးရှိသူမိခင်တွေဆီကနေ ကလေးငယ် ၁၁၅ ယောက် မွေးဖွားပေးနိုင်ခဲ့ပြီး သုံးယောက်က ကနဦးစစ်ဆေးမှုမှာ ရောဂါပိုးတွေ့ရှိခဲ့ပေမဲ့ နောက်ထပ်စစ်ဆေးမှုတွေမှာတော့ ရောဂါပိုးကင်းစင်ခဲ့ပါတယ်။
အဲဒီဆေးရုံမှာ COVID-19 ရောဂါရှိတဲ့ ကိုယ်ဝန်ဆောင်အမျိုးသမီးနှစ်ဦး သေဆုံးခဲ့ပြီး တစ်ယောက်ကတော့ မီးမဖွားခင် သေဆုံးခဲ့တာပါ။ အိန္ဒိယနိုင်ငံရဲ့ ဘဏ္ဍာရေးနဲ့ ဖျော်ဖြေရေးမြို့တော်ဖြစ်တဲ့ မွမ်ဘိုင်းမြို့ဟာ COVID-19 ရောဂါကူးစက်ပျံ့နှံ့မှု ဗဟိုချက်ဖြစ်နေပြီး ရောဂါကူးစက်ခံရသူ ၂၄၀၀၀၊ သေဆုံးသူ ၈၄၀ ကျော် ရှိနေပါတယ်။ ရောဂါပိုးရှိတဲ့ ကိုယ်ဝန်ဆောင်တွေထဲမှာ တစ်ဝက်ကျော်ကို ခွဲမွေးခဲ့ရပြီး တခြားသူတွေကတော့ ရိုးရိုးမွေးခဲ့တာပါ။
Nz(ရိုးရာလေး)
