ဘိုင်ယန်မြူးနစ်အသင်း ၈ ကြိမ်ဆက် ဘွန်ဒက်စ်လီဂါဖလား မဆွတ်ခူးနိုင်အောင် တားဆီးဖို့ အဆမတန် ခက်ခဲသွားပြီလို့ ဒေါ့မွန်နည်းပြ ဖာဘရီက ပြောပါတယ်။ ဒေါ့မွန်ဟာ ဘိုင်ယန်မြူးနစ်နဲ့ ကစားခဲ့တဲ့ အိမ်ကွင်းပွဲစဉ်မှာ ဂျိုရှုအာကင်မစ်ချ်ရဲ့ တစ်လုံးတည်းသောဂိုးကြောင့် ရှုံးပွဲကြုံခဲ့လို့ ဘိုင်ယန်ထက် ၇ မှတ်နည်းသွားပါပြီ။ ၆ ပွဲပဲ ကစားဖို့ ကျန်ရှိချိန်မှာ ၇ မှတ်ဖြတ်နိုင်ခဲ့တဲ့အတွက် ဘိုင်ယန်မြူးနစ်အသင်း ချန်ပီယံဖလား ဆွတ်ခူးနိုင်ဖို့ အလားအလာ ပိုကောင်းသွားခဲ့ပါတယ်။
” ပွဲအစ မိနစ် ၃၀ မှာ အစကောင်းခဲ့တယ်။ ဒါပေမဲ့ နောက်ပိုင်းမှာတော့ ခံစစ်အသားပေးလွန်းတယ်။ ဒုတိယပိုင်း ကစားတာလည်း ကောင်းပါတယ်။ အခွင့်အရေးတွေ ရခဲ့တယ်။ ဒါပေမဲ့ အဆုံးသတ်ပိုင်း လွဲချော်ခဲ့တယ်။ အနည်းဆုံးတော့ ကျွန်တော်တို့ သရေရဖို့ ထိုက်တန်ပါတယ်။ ချန်ပီယံဆုအတွက် အရမ်းခက်ခဲသွားပါပြီ။ ၆ ပွဲအလိုမှာ ၇ မှတ်ဖြတ်ခံထားရလို့ အဆမတန်ခက်ခဲသွားပါပြီ”လို့ ဖာဘရီက ပြောပါတယ်။
Nz ( ရိုးရာလေး)
