အထက်တန်းကျောင်းတစ်ကျောင်းကို ရုတ်တရက်အလည်လာပြီး ကျောင်းသား/သူတွေကို ဖျော်ဖြေပွဲလက်မှတ်တွေ ပေးခဲ့တဲ့ အက်ဒ်ရှီရန်

တန်မ်ပါမြို့က Middleton High School ရဲ့ကျောင်းသား/သူတွေဟာ သောကြာနေ့က တီးဝိုင်းလေ့ကျင့်နေတုန်း ကမ္ဘာကျော်အဆိုတော် အက်ဒ်ရှီရန်က ရုတ်တရက်ရောက်ချလာခဲ့လို့ တအံ့တဩဖြစ်ခဲ့ရပါတယ်။ ကျောင်းသား/သူတွေက အတန်းထဲမှာ အက်ဒ်ရှီရန်ရဲ့ “Photograph” သီချင်းကို ကြိုးစားလေ့ကျင့်နေတဲ့အချိန်မှာ အဆိုရှင်ကို လူကိုယ်တိုင်မြင်တွေ့လိုက်ရတာပါ။

အက်ဒ်ရှီရန်က ကျောင်းသား/သူတွေကို သူ့ရဲ့ဖျော်ဖြေပွဲလက်မှတ်တွေကို ပေးခဲ့တဲ့အပြင် သူ့ရဲ့နာမည်ကြီးသီချင်းတချို့ကိုလည်း ဖျော်ဖြေတင်ဆက်ခဲ့တဲ့အတွက် ကျောင်းသား/သူတချို့ ဝမ်းသာပီတိမျက်ရည်ကျခဲ့ရပါတယ်။ သူက ကျောင်းရဲ့ဂီတဌာနအတွက် ဂစ်တာတချို့လှူဒါန်းတာ၊ ကျောင်းသား/သူတွေအတွက် လက်မှတ်ထိုးပေးတာ၊ ဆယ်လ်ဖီရိုက်တာတွေလည်း လုပ်ခဲ့ပါတယ်။

လတ်တလောမှာတော့ အက်ဒ်ရှီရန်က Mathematics (+–=÷×) tour ကမ္ဘာလှည့်ဖျော်ဖြေပွဲလုပ်နေပြီး စက်တင်ဘာလကျ လော့စ်အိန်ဂျယ်လိစ်မြို့မှာ ဖျော်ဖြေပွဲအဆုံးသတ်မှာဖြစ်ပါတယ်။

Ref: Ed Sheeran surprises students at Middleton High School with free concert tickets, guitars

WL (ရိုးရာလေး)