ကမ္ဘာကျော်ဘောလုံးသမားဟောင်း ဒေးဗစ်ဘက်ခမ်းဟာ တနင်္ဂနွေနေ့က အသက် ၂၂ နှစ်ပြည့်မြောက်တဲ့ သားဖြစ်သူ ရိုမီယိုအတွက် ကြည်နူးဖွယ်မွေးနေ့ဆုတောင်းပေးခဲ့ပါတယ်။ လူမှုကွန်ယက်ပို့စ်တစ်ခုကတဆင့် ရိုမီယိုကို ဂုဏ်ယူမိကြောင်း ထုတ်ပြခဲ့တာပါ။
“ပျော်ရွှင်ဖွယ် အသက်၂၂ နှစ်ပြည့်မွေးနေ့ဖြစ်ပါစေ…ကျွန်တော့်ရဲ့ချောမောတဲ့ကောင်လေး…ကြင်နာတတ်တဲ့၊ စိတ်အားထက်သန်တဲ့၊ အလုပ်ကြိုးစားတဲ့အမျိုးသားအဖြစ် ပြောင်းလဲလာတဲ့အတွက်အရမ်းဂုဏ်ယူမိတယ်။ သားနဲ့ထိုက်တန်တဲ့အတွက် အံ့ဩစရာကောင်းတဲ့နေ့ကို ပိုင်ဆိုင်နိုင်ပါစေ။ သားကို အရမ်းချစ်တယ်”လို့ ဒေးဗစ်ဘက်ခမ်းက ရေးသားခဲ့တာပါ။
သားသမီးတွေထဲမှာဆိုရင် ဖခင်ဖြစ်သူ ဒေးဗစ်ဘက်ခမ်းရဲ့ခြေရာနင်းခဲ့သူက ရိုမီယိုပါပဲ။ ရိုမီယိုက Inter Miami အရံအသင်းနဲ့ Brenford B အသင်းတွေမှာ ကစားခဲ့တာပါ။ ဒါပေမဲ့ ရိုမီယိုက အသက်မွေးဝမ်းကျောင်းလုပ်ငန်းအသစ်လုပ်ဖို့အတွက် ဘောလုံးလောကက ထွက်ခွာတော့မယ်ဆိုတဲ့ သတင်းထွက်ရှိထားပါတယ်။
အခု ရိုမီယိုက မိခင်ဖြစ်သူဗစ်တိုးရီးယားလို ဖက်ရှင်လောကထဲ ဝင်ရောက်တော့မှာဖြစ်ပြီး ထိပ်တန်းဖက်ရှင်အေဂျင်စီ Safe Management နဲ့လည်း စာချုပ်ချုပ်ဆိုထားတယ်လို့ သိရပါတယ်။
Ref: David Beckham’s heartfelt tribute to son Romeo on 22nd birthday
WL (ရိုးရာလေး)
