သမီးဖြစ်သူ လိုချင်တဲ့ Blackpink အဖွဲ့ဝင် လီဆာရဲ့ပွဲလက်မှတ်ကို လီဇာဝမ်ရဲ့ပွဲလက်မှတ်နဲ့ ဖခင်ဖြစ်သူက မှားဝယ်မိခဲ့တဲ့ဖြစ်ရပ်

ဟောင်ကောင်က ဖခင်တစ်ဦးဟာ သမီးဖြစ်သူရဲ့လိုအင်ဆန္ဒကို ဖြည့်ဆည်းပေးဖို့လုပ်ခဲ့ပေမဲ့ စေတနာအမှားလေးဖြစ်သွားခဲ့ပါတယ်။ သမီးဖြစ်သူက ဟောင်ကောင်မှာ ပြုလုပ်မယ့် Blackpink အဖွဲ့ဝင် လီဆာရဲ့ Fan Meeting Tour ပွဲလက်မှတ်ကို လိုချင်ခဲ့ပြီး သူ့ကို ပွဲလက်မှတ်ဝယ်ပေးဖို့ ပြောခဲ့တာပါ။

အဲ့ဒီနောက် ဖခင်ဖြစ်သူက Blackpink အဖွဲ့ဝင်လီဆာရဲ့ပွဲလက်မှတ်လို့ ထင်ပြီး လက်မှတ် ၂ စောင်သွားဝယ်ခဲ့ပါတယ်။ ဒါပေမဲ့ သူ့သမီးကို လက်မှတ်တွေပေးလိုက်တဲ့အချိန်မှာ လက်မှတ်မှားဝယ်လာခဲ့မှန်းသိခဲ့ရပါတယ်။ သူ မှားယွင်းဝယ်လာခဲ့တဲ့လက်မှတ်တွေက နိုဝင်ဘာလ ၂၃ နဲ့ ၂၄ ရက်တွေ့မှာ ကျင်းပမယ့် ဟောင်ကောင်အဆိုတော် လီဇာဝမ်ရဲ့လက်မှတ်တွေဖြစ်နေခဲ့တာပါ။

လီဆာရဲ့ပွဲလက်မှတ်တွေကို ပြန်ဝယ်ပေးခဲ့ရပါတယ်။ နိုဝင်ဘာလထဲမှာ လီဇာနဲ့ လီဆာတို့ရဲ့ပွဲ ၂ ခုလုံးကို ကြည့်ခွင့်ရတော့မှာမို့ သမီးဖြစ်သူကတော့ ပျော်ရွှင်နေပါတယ်။

Blackpink အဖွဲ့ဝင် လီဆာရဲ့Fan Meeting Tour က နိုဝင်ဘာ ၁၉ ရက်နေ့မှာ ပြုလုပ်မှာဖြစ်ပြီး လက်မှတ်တွေကတော့ ဟောင်ကောင်ဒေါ်လာ ၉၉၉ နဲ့ ဟောင်ကောင်ဒေါ်လာ ၃၇၃ ကျသင့်မှာဖြစ်ပါတယ်။

Ref: HK woman wanted to see Blackpink’s Lisa, her dad got her Liza Wang tickets by mistake

WL (ရိုးရာလေး)