ဘရာဇီးနိုင်ငံရဲ့ ဘွဲ့နှင်းသဘင် အခမ်းအနားတစ်ခုမှာ ဘွဲ့ယူမယ့်ကျောင်းသားတစ်ယောက် ဂတ်စ်အိုးကြီး ထမ်းတက်လာတဲ့ မြင်ကွင်းက လူအများကို အံ့အားသင့်စေခဲ့ပါတယ်။ ဂတ်စ်အိုးတွေ လိုက်ပို့တဲ့အလုပ်လုပ်ရင်း ၂၆ နှစ်လုံးလုံး ကျွေးမွေးစောင့်ရှောက်လာတဲ့ဖခင်ကို ဂုဏ်ပြုဖို့ ရည်ရွယ်တာလို့ ဒီကျောင်းသားက ဆိုပါတယ်။
လော်ရန်ဇိုလို့ အမည်ရတဲ့ ဒီကျောင်းသားဟာ ကုန်ထုတ်အင်ဂျင်နီယာဘွဲ့ ယူခဲ့တာဖြစ်ပြီး သူ့အဖေရဲ့ စွန့်လွှတ်အနစ်နာခံမှုနဲ့ ကျေးဇူးတရားကို ဖော်ကျူးဖို့အတွက် ဂတ်စ်အိုးကြီး ထမ်းလာပြီး ဘွဲ့လာယူခဲ့တာပါ။ ” ကျွန်တော် ဘွဲ့ယူနိုင်ဖို့ အဖေ့ပခုံးပေါ်မှာ ထမ်းထားရတဲ့ ဝန်ထုပ်ဝန်ပိုး” လို့ ခေါင်းစဉ်တပ်ထားတဲ့ ဗီဒီယိုဟာ အွန်လိုင်းပေါ်မှာ ကြည့်ရှုမှုအကြိမ်ရေ ၁.၅ သန်းကျော် ရှိခဲ့ပါတယ်။
Ref: The engineering student walked across the stage to accept his diploma while carrying a gas cylinder on his shoulder
NZ ( ရိုးရာလေး)
