ကမ္ဘာကျော်ကိုရီးယားအဆိုအဖွဲ့ BLACKPINK ဟာ YouTube မှာ သမိုင်းဝင်ပထမဆုံးစံချိန်တင်နိုင်ခဲ့ပါပြီ။ သူတို့ရဲ့တရားဝင် YouTube ချန်နယ်မှာ Subscriber သန်း ၁၀၀ပြည့်သွားတဲ့ ပထမဆုံးအနုပညာရှင်ဖြစ်လာခဲ့တာပါ။ ဒါကို YouTube က ဖေဖော်ဝါရီ ၂၀ ရက်နေ့က တရားဝင်ကြေညာခဲ့ပါတယ်။
Subscriber သန်း ၁၀၀ ပြည့်သွားတဲ့အတွက် YouTube က BLACKPINK အဖွဲ့ကို သီးသန့် Red Diamond Creator Award ကို ပေးအပ်ခဲ့ပါတယ်။ လက်ရှိမှာ BLACKPINK အဖွဲ့ရဲ့ တရားဝင် YouTube ချန်နယ်ရဲ့ 1 Billion Views Club မှာ “DDU-DU DDU-DU” , “Kill This Love” ,“BOOMBAYAH” , “AS IF IT’S YOUR LAST” , “How You Like That” , “Pink Venom” ဗီဒီယိုတွေအပါအဝင် ဗီဒီယို ၉ ခုရှိပါတယ်။
ပြီးခဲ့တဲ့ ၁၂ လအတွင်းမှာပဲ BLACKPINK ဟာ YouTube မှာ ကြည့်ရှုသူ စုစုပေါင်း ၃.၃ ဘီလျံရှိခဲ့ပါတယ်။
Ref: BLACKPINK Becomes 1st Artist In YouTube History To Surpass 100 Million Subscribers
WL (ရိုးရာလေး)
