ထိပ်တန်းဘောလိဝုဒ်မင်းသားကြီး ဆယ်လ်မန်ခန်းရဲ့ Maatrubhumi ဇာတ်ကားသစ်ကို ဩဂုတ်ကျမှပဲ ရုံတင်ပြသနိုင်ဖွယ်ရှိတယ်လို့ သိရပါတယ်။ အိန္ဒိယတပ်နဲ့ တရုတ်တပ်ကြား ၂၀၂၀ ခုနှစ် Galwan ချိုင့်ဝှမ်းတိုက်ပွဲအကြောင်း အခြေခံရိုက်ကူးထားတဲ့ဒီဇာတ်ကားကို အစက Eid ပွဲတော်မတိုင်ခင် ဧပြီ ၁၇ ရက်နေ့မှာ ရုံတင်ပြသဖို့ စီစဉ်ခဲ့တာပါ။
Maatrubhumi ဇာတ်ကားကို Apoorva Lakhia က ရိုက်ကူးပြီး ဆယ်လ်မန်ခန်းက ထုတ်လုပ်ပါတယ်။ ဇာတ်ကားနာမည်ကို Battle of Galwan ကနေ Maatrubhumi ဆိုပြီး မကြာသေးခင်ကမှ ပေပြာင်းလဲခဲ့တာပါ။ ပြောင်းလဲမှုတွေလုပ်ဆောင်ခဲ့ရတာကြောင့် ဇာတ်ကားရုံတင်မယ့်ရက်က နှောင့်နှေးခဲ့ရပြီး လွတ်လပ်ရေးနေ့ဝန်းကျင် ဩဂုတ်လကျမှ ရုံတင်ပြသနိုင်ဖွယ်ရှိတယ်လို့ သတင်းအရင်းအမြစ်တွေက ဆိုထားပါတယ်။
အိန္ဒိယ-တရုတ်ဆက်ဆံရေးပြေလည်လာချိန် မတ်လ ၁၄ ရက်နေ့က ဇာတ်ကားနာမည်ကို ပြောင်းလဲခဲ့တာဖြစ်ပါတယ်။
Ref: Salman Khan’s Maatrubhumi To Miss April 17 Date, Now Eyeing August Release
WL ( ရိုးရာလေး)
