နာရီ၊ မိနစ်၊ စက္ကန့်၊ ရက်စွဲတွေ ပြသခြင်း အပါအဝင် လုပ်ဆောင်ချက် ၆၃ ခုအထိ ပါဝင်တဲ့ Berkley Grand Complication နာရီကတော့ ကမ္ဘာပေါ်မှာ လုပ်ဆောင်ချက်အများဆုံး နာရီလို့ သတ်မှတ်ခံထားရပြီး နာရီထုတ်လုပ်မှုပိုင်းမှာ အံ့ဘွယ်တစ်ရပ် ဖြစ်နေပါတယ်။
၂၀၁၅ ခုနှစ်မှာ ဆွစ်ဇာလန်နာရီကုမ္ပဏီ Vacheron Constantin က အမည်မဖော်လိုတဲ့ စုဆောင်းသူတစ်ဦးရဲ့ အော်ဒါမှာယူမှုအရ Reference 57260 နာရီကို ဖန်တီးခဲ့ပါတယ်။ ဟီဘရူးပြက္ခဒိန်နဲ့ စက္ကန့်တံနှစ်ခု အချိန်မှတ်နာရီ လုပ်ဆောင်ချက်တွေ ပါဝင်တဲ့ Reference 57260 နာရီကို ၈ နှစ်ကြာ အချိန်ယူဖန်တီးခဲ့ကြပြီး ဒီနာရီဟာ Berkley Grand Complication နာရီရဲ့ အခြေခံအုတ်မြစ် ဖြစ်လာခဲ့တာပါ။
အချင်း ၂ လက်မရှိပြီး ၁၈ ကာရက် ရွှေဖြူကိုယ်ထည်နဲ့ ဖန်တီးထားတဲ့ Berkley Grand Complication နာရီဟာ အလေးချိန် ၂ ပေါင်ရှိပါတယ်။ သူ့ရဲ့ ထူးခြားချက်ကတော့ လုပ်ဆောင်ချက်တွေ များပြားလွန်းပေမဲ့ (လုပ်ဆောင်ချက်အများဆုံး စံချိန်ဟောင်းဖြစ်တဲ့ Patek Philippe Calibre 89 ထက် ၂ ဆ ပိုများ) နာရီအရွယ်အစားကို ချုံ့နိုင်ဖို့ သေးငယ်တဲ့ အစိတ်အပိုင်းလေးတွေကို ဟန်ချက်ညီ ပေါင်းစပ်ထည့်သွင်းထားတာပဲ ဖြစ်ပါတယ်။
Berkley Grand Complication နာရီရဲ့ တန်ဖိုးကို တရားဝင် ထုတ်ဖော်ကြေညာခြင်းမရှိပေမဲ့ ကျွမ်းကျင်ပညာရှင်တွေရဲ့ ခန့်မှန်းချက်အရတော့ အမေရိကန်ဒေါ်လာ ၁၀ သန်းကျော် ရှိမယ်လို့ သိရပါတယ်။
Ref: The Berkley Grand Complication – The Most Complicated Watch Ever Made
NZ (ရိုးရာလေး)
