ချစ်ဖို့ကောင်းတဲ့ လာဘရာဒေါခွေးတစ်ကောင်က မိဘမဲ့ဖြစ်နေတဲ့ ဘဲပေါက်လေး (၁၅) ကောင်ကို တာဝန်ယူစောင့်ရှောက်ပေးနေပါတယ်။ ၂၀၁၈ခုနှစ်တုန်းကလည်း ဖရက်တ်ဆိုတဲ့ အဲဒီခွေးလေးက ဘဲပေါက် (၉) ကောင်ကို စောင့်ရှောက်ပေးခဲ့တာကြောင့် သတင်းခေါင်းကြီးပိုင်းမှာ ပါဝင်ခဲ့ဖူးပါတယ်။ ဖရက်တ်က အရင်ကလည်း စောင့်ရှောက်ပေးခဲ့ဖူးတာကြောင့် အခု ဘဲပေါက်လေးတွေနဲ့ စိမ်းမနေတော့ပါဘူး။
![](https://yoyarlay.com/wp-content/uploads/2022/07/6-7-2022-03.jpg)
ဘဲပေါက်လေးတွေက ဖရက်တ်ရဲ့ရှေ့ခြေထောက်ကြား ဝင်နေကြတာ၊ သူ့ရဲ့ကျောပေါ်ကို တက်နေကြတာ၊ အတူတူနေပူဆာလှုံနေကြတာကို ပုံတွေမှာ မြင်တွေ့ရပါတယ်။ ဘဲပေါက်လေးတွေက ဖရက်တ်နဲ့နေရတာ သက်တောင့်သက်သာရှိပြီး ပျော်နေတဲ့ပုံပါပဲ။ဖရက်တ် နေထိုင်တဲ့ အင်္ဂလန်နိုင်ငံက Mountfitchet Castle အနီးနားမှာ ဘဲမကြီးက ရုတ်တရက်ပျောက်သွားခဲ့တာပါ။ အဲဒီကတည်းက သူက ဘဲပေါက်လေးတွေကို သေချာစောင့်ရှောက်ပေးနေခဲ့တာပါ။ ဘဲပေါက်လေးတွေကို သူ့ကျောပေါ်တင်ပြီးတော့လည်း Mountfitchet Castle က ဝန်ထမ်းနဲ့ လာရောက်လည်ပတ်သူတွေကို ထုတ်ပြနေပါတယ်။
![](https://yoyarlay.com/wp-content/uploads/2022/07/6-7-2022-04.jpg)
Mountfitchet Castle ရဲ့ဒါရိုက်တာ၊ ဖရက်တ်ရဲ့သခင် ဂျယ်ရမီ ဂိုးတ်စမစ်ကတော့ ဖရက်တ် မိသားစုအသစ်ရှာတွေ့သွားလို့ မအံ့ဩပါဘူးတဲ့။ ဖရက်တ်ကို သူ ပိုင်ဆိုင်ခဲ့တဲ့ ၁၅ နှစ်တာကာလအတွင်း ဖရက်တ်ကို အခြားတိရစ္ဆာန်တွေနဲ့အတူ အချိန်အများဆုံးကုန်ဆုံးခဲ့တာကို မြင်တွေ့ခဲ့ရလို့ပါပဲလို့ ဆိုပါတယ်။
![](https://yoyarlay.com/wp-content/uploads/2022/07/6-7-2022-05.jpg)
ဘဲပေါက်လေးတွေကိုယ်တိုင် ရှင်သန်နေထိုင်နိုင်မယ့်အချိန်အထိ ဖရက်တ်နဲ့အတူ Mountfitchet Castle မှာ အတူဆက်ပြီးရှိနေဖို့ မျှော်လင့်ရပါတယ်။
Ref: TheMirror “Adorable dog raises 15 orphaned ducklings after mother duck suddenly disappears”
WL(ရိုးရာလေး)