အသက် ၂၀ အရွယ် ဂျပန် ပန်းအနုပညာရှင် မိုမော့ဆုကီက ပန်းပွင့်ချပ်တွေကို အသုံးပြုပြီး နတ်သမီးပုံပြင်ထဲက ဝတ်စုံတွေ ဖန်တီးခဲ့တာပါ။ သူဟာ ကလေးဘဝကတည်းက ပန်းပင်စိုက်ပျိုးရတာကို ဝါသနာထုံခဲ့သူဖြစ်ပြီး ပန်းပင်စိုက်ပျိုးတဲ့ အတွေ့အကြုံ ၁၄ နှစ်ကျော် ရှိသူပါ။
![](https://yoyarlay.com/wp-content/uploads/2023/01/2-1-2023-yyl-9.jpg)
သူဟာ ပေါင်ဒါပန်း၊ ၉ နာရီပန်း၊ နှင်းဆီပန်း၊ ဇော်မွှားပန်းတွေရဲ့ ပွင့်ချပ်တွေကို သုံးပြီး အလွန်လှပတဲ့ ဝတ်စုံတွေကို ဖန်တီးခဲ့တာပါ။ သူ့ဝတ်စုံ အမှတ်တံဆိပ်ကိုတော့ Fairy Dress လို့ အမည်ပေးထားပါတယ်။ ဝတ်စုံတွေ ဖန်တီးဖို့ အသုံးပြုတဲ့ ပွင့်ချပ်အများစုဟာ သူ့ရဲ့ ကိုယ်ပိုင်ဥယျာဉ်ထဲမှာ စိုက်ထားတဲ့ ပန်းပင်တွေကနေ ရယူတာဖြစ်ပါတယ်။
![](https://yoyarlay.com/wp-content/uploads/2023/01/2-1-2023-yyl-10.jpg)
စိတ်ကျဝေဒနာ ခံစားခဲ့ရပြီးနောက် သူ့ဥယျာဉ်ထဲမှာ လမ်းလျှောက်နေတုန်း ပန်းတစ်ပွင့် ကြွေကျနေတာကို မြင်ပြီး မိုမော့ဆုကီက ပွင့်ချပ်ဝတ်စုံတွေ ဖန်တီးဖို့ အကြံရခဲ့တာပါ။ ၂၀၂၁ ခုနှစ် ဧပြီလမှာ ပထမဆုံး ပွင့်ချပ်ဝတ်စုံကို ဖန်တီးခဲ့တာ ဖြစ်ပါတယ်။
![](https://yoyarlay.com/wp-content/uploads/2023/01/2-1-2023-yyl-11.jpg)
![](https://yoyarlay.com/wp-content/uploads/2023/01/2-1-2023-yyl-12.jpg)
Ref: Artist Uses Real Flower Petals to Create Intricate Fairy Dresses
NZ (ရိုးရာလေး)