တရုတ်နိုင်ငံက အမှောင်ဒြပ် (Dark Matter)တွေအကြောင်း လေ့လာဖို့ ကမ္ဘာ့အနက်ဆုံး မြေအောက်ဓာတ်ခွဲခန်းတစ်ခု တည်ဆောက်ထားပါတယ်။ မြေအောက်အနက် မီတာ ၂၄၀၀ (၇၈၇၄ ပေ)မှာ တည်ဆောက်ထားတဲ့ ဓာတ်ခွဲခန်းဟာ Deep Underground and Ultra-low Radiation Background Facility for Frontier Physics Experiments (DURF) လို့ အမည်ရပြီး စီချွမ်ပြည်နယ်၊ လျှံရှမ်းယီကိုယ်ပိုင်အုပ်ချုပ်ခွင့်ရဒေသမှာရှိတဲ့ ကျင်းပင်တောင်အောက်မှာ တည်ရှိပါတယ်။
![](https://yoyarlay.com/wp-content/uploads/2023/12/11.12.23-yyl-2.jpg)
အမှောင်ဒြပ်တွေကို လေ့လာရာမှာ နှောင့်ယှက်ဟန့်တားလေ့ရှိတဲ့ ကော့စမစ်ရောင်ခြည်တွေ ဝင်မလာနိုင်အောင် အလွန်နက်ရှိုင်းတဲ့မြေအောက်မှာ ဓာတ်ခွဲခန်း တည်ဆောက်ခဲ့တာပါ။ ၂၀၂၀ ပြည့်နှစ် ဒီဇင်ဘာလကတည်းက စင်ဟွာတက္ကသိုလ်နဲ့ ယာလောင်မြစ် ရေအားလျှပ်စစ်စီမံကိန်းကုမ္ပဏီတို့ ပူးပေါင်းပြီး အဲဒီစီမံကိန်းကို စတင်ဆောင်ရွက်ခဲ့ကြတာပါ။
![](https://yoyarlay.com/wp-content/uploads/2023/12/11.12.23-yyl-3.jpg)
DURF ဓာတ်ခွဲခန်းဟာ အိုလံပစ်ရေကူးကန် ၁၂၀ စာ အရွယ်အစားရှိပြီး ကုဗမီတာ ၃၃၀၀၀ ကျယ်ဝန်းတာကြောင့် ကမ္ဘာ့အနက်ဆုံး မြေအောက်ဓာတ်ခွဲခန်း ဖြစ်ရုံသာမက ကမ္ဘာ့အကြီးဆုံး မြေအောက်ဓာတ်ခွဲခန်းလည်း ဖြစ်ပါတယ်။ ယခင်က ကမ္ဘာ့အကြီးဆုံး မြေအောက်ဓာတ်ခွဲခန်းဖြစ်တဲ့ ဂရန်ဆက်ဆိုအမျိုးသားဓာတ်ခွဲခန်း (အီတလီ)ထက် အရွယ်အစား နှစ်ဆလောက် ပိုကြီးပါတယ်။
Ref: China Builds World’s Deepest Underground Laboratory to Study Dark Matter
NZ ( ရိုးရာလေး)