အိပ်မက်တွေကို အကောင်အထည်ဖော်ရာမှာ ဘယ်တော့မှ နောက်ကျတယ်ဆိုတာ မရှိတဲ့အကြောင်း အလာဘားမားပြည်နယ်မှာ နေထိုင်တဲ့ အဘွားအိုတစ်ယောက်က သက်သေပြခဲ့ပါတယ်။ အသက် ၈၀ ရှိတဲ့ အဘွားအို ဒွန်ဇယ်လာဝါရှင်တန်ဟာ ဒီဇင်ဘာလ ၆ ရက်က အလာဘားမားပြည်နယ် A&M တက္ကသိုလ်ကနေ လူမှုလုပ်ငန်းဆိုင်ရာဘွဲ့ ရခဲ့ပါတယ်။ ဝါရှင်တန်ဟာ ဂုဏ်ထူးမှတ်နဲ့ ဘွဲ့ရခဲ့တဲ့အပြင် နောက်ဆုံးနှစ်ဝက် စာမေးပွဲမှာလည်း အမှတ်ပြည့်(4.0 GPA)ရရှိခဲ့ပါတယ်။
”အသက်အရွယ်က အတားအဆီးတစ်ခုမဟုတ်ဘူးဆိုတာ တခြားသူတွေကို အားကျအတုယူလာအောင် တွန်းအားဖြစ်စေချင်ပါတယ်။ ရုန်းကန်လှုပ်ရှားမှုတွေကြားက ဘဝတစ်ခုကို မီးမောင်းထိုးပြချင်ပါတယ်”လို့ ဝါရှင်တန်က ပြောပါတယ်။ ဝါရှင်တန်ဟာ ၁၄၄ နှစ် သက်တမ်းရှိတဲ့ A&M တက္ကသိုလ်သမိုင်းမှာ အသက်အကြီးဆုံးဘွဲ့ရသူ ဖြစ်လာခဲ့ပါတယ်။ အခုရရှိခဲ့တဲ့ဘွဲ့ဟာ ကွယ်လွန်သွားပြီဖြစ်တဲ့ သူ့ရဲ့ခင်ပွန်းအတွက် ရည်စူးတယ်လို့ ဝါရှင်တန်က ဆိုပါတယ်။ ဝါရှင်တန်ရဲ့ခင်ပွန်းဟာ သူနဲ့ နှစ် ၅၀ နီးပါး ပေါင်းသင်းခဲ့ပြီး ကွယ်လွန်ခဲ့တာပါ။ ခင်ပွန်းဖြစ်သူ ဂျက်ဖ်ကြောင့် တက္ကသိုလ်ပြန်တက်ဖြစ်လာလို့ ဝါရှင်တန်က ဆိုပါတယ်။
Nz (ရိုးရာလေး)
