တောင်ကိုရီးယားနိုင်ငံ အရှေ့တောင်ပိုင်းမှာ တောမီးအများအပြား လောင်ကျွမ်းမှုကြောင့် သေဆုံးသူ ၁၆ ဦးထက်မနည်း ရှိလာခဲ့ပါပြီ။ မတ်လ ၂၅ ရက်နေ့က ကူးစက်ပျံ့နှံ့ခဲ့တဲ့ တောမီးလောင်ကျွမ်းမှုကြောင့် ဒေသခံ ထောင်ပေါင်းများစွာ အိုးအိမ်စွန့်ခွာ ထွက်ပြေးခဲ့ရပြီး ထောင်အာဏာပိုင်တွေကလည်း အကျဉ်းသားတွေကို ရွှေ့ပြောင်းပေးခဲ့ရပါတယ်။
ယူအီဆုန်းကောင်တီကနေ စတင်ခဲ့တဲ့ တောမီးလောင်ကျွမ်းမှုကြောင့် လူ ၁၂ ဦး သေဆုံးခဲ့ပြီး ဆန်ချွန်းကောင်တီ တောမီးလောင်ကျွမ်းမှုမှာ လူ ၄ ဦး သေဆုံးခဲ့တယ်လို့ တောင်ကိုရီးယားနိုင်ငံ ဘေးကင်းလုံခြုံရေးဝန်ကြီးဌာနမှ ထုတ်ပြန်ကြေညာထားပါတယ်။
ယူအီဆုန်းတောမီးလောင်ကျွမ်းမှုကို ၆၈ ရာခိုင်နှုန်းပဲ ထိန်းချုပ်နိုင်သေးပြီး ပူပြင်းခြောက်သွေ့တဲ့ ရာသီဥတု အခြေအနေနဲ့ လေပြင်းတိုက်ခတ်မှုကြောင့် ထိန်းချုပ်နိုင်ဖို့ အခက်တွေ့နေပါတယ်။
ရာသီဥတု ပြောင်းလဲမှုကြောင့် တောမီးလောင်ကျွမ်းမှုတွေ ပိုအဖြစ်များလာပြီး ပြီးခဲ့တဲ့ဇန်နဝါရီလက အမေရိကန်နိုင်ငံ လော့စ်အိန်ဂျလိစ်မြို့နဲ့ မကြာသေးမီက ဂျပန်နိုင်ငံ အရှေ့မြောက်ပိုင်းတွေမှာလည်း တောမီးလောင်ကျွမ်းမှုတွေ ဖြစ်ပွားခဲ့ပါတယ်။
Ref: Death toll in South Korea wildfires rises to 16
NZ ( ရိုးရာလေး)
