အသက် ၆၉ နှစ်အရွယ် မင်းသားကြီး ဒန်ဇယ်ဝါရှင်တန်က Black Panther တတိယမြောက်ဇာတ်ကားရှိတယ်ဆိုတာကို ပထမဆုံးပြောခဲ့တဲ့သူပါပဲ။ သူ ဆယ်စုနှစ် ၄ ခုကြာ သရုပ်ဆောင်အဖြစ် အသက်မွေးဝမ်းကြောင်းပြုပြီးနောက် အနုပညာလောကကနေ အနားမယူခင် Black Panther ဇာတ်ကောင်အဖြစ် ပါဝင်သွားဦးမှာဖြစ်တယ်လို့ထုတ်ပြောပြလာပါတယ်။
ဒီဇာတ်ကားအသစ်အတွက် ဒါရိုက်တာ ရမ်ကူဂလာက ဇာတ်ညွှန်းရေးသားထားပါတယ်။ ဒီအကြောင်းတွေကို ဒန်ဇယ်က Australia’s Today Show မှာ အခုလိုပြောသွားခဲ့တာပါ။
“ကျွန်တော့်ရဲ့အသက်မွေးဝမ်းကြောင်းမှာ အကောင်းဆုံးလုပ်ရတာကိုပဲ စိတ်ဝင်စားပါတယ်။ ကျွန်တော် ပါဝင်ရမယ့် ဇာတ်ကားတွေ ဘယ်လောက်ရှိသေးလဲ ကျွန်တော်မသိဘူး။ သေချာတာက အရမ်းမများလောက်တော့ဘူး။ ကျွန်တော် မလုပ်ဖူးတဲ့ အရာတွေ လုပ်ချင်တယ်။ ကျွန်တော့် အသက် ၂၂ နှစ်မှာ Othello ပြဇာတ်မှာ ပါဝင်ခဲ့တယ်။ ဒါရိုက်တာရမ်ကူဂလာက နောက်ထပ် Black Panther ဇာတ်ကားမှာ ကျွန်တော့်ဇာတ်ကောင်အတွက် ဇာတ်ညွှန်းရေးပေးနေပါတယ်။ အခု အသက် ၇၀ ရောက်ရင် Othello ရုပ်ရှင်ကားမှာ ပါဝင်ရတော့မှာ။ အဲ့ဒါပြီးရင် King Lear လုပ်ရမယ်။ အဲ့ဒါပြီးရင် ကျွန်တော် အနားယူတော့မယ်”လို့ ဒန်ဇယ်က ဆိုပါတယ်။
၂၀၂၀ ခုနှစ်က သေဆုံးသွားခဲ့တဲ့ Black Panther ဇာတ်ကောင်မင်းသား ချက်ဝှခ် ဘော့စမင်းက ဒန်ဇယ်ကို Black Panther အဖြစ် ပါဝင်စေချင်ခဲ့တာပါ။ သူ မသေဆုံးခင်က “ဒန်ဇယ် ဝါရှင်တန်မပါဘဲ Black Panther ဆိုတာ ရှိတော့မှာမဟုတ်ဘူး”လို့ ပြောခဲ့တာပါ။ သူ့ရဲ့ဆန္ဒကို ဒါရိုက်တာ ရမ်ကူဂလာက ဖြည့်ဆည်းပေးတဲ့အနေနဲ့ ဒန်ဇယ်ကို Black Panther 2 မှာ သရုပ်ဆောင်ဖို့ လူရွေးချယ်မှုပြုလုပ်ခဲ့တာပါ။
Ref: Denzel Washington confirms he will star in Black Panther 3 before retirement
WL (ရိုးရာလေး)
