ခွဲခန်းဝင်ရမယ့် ဆရာဝန်က ကားပိတ်နေလို့ ၂ မိုင်အကွာအဝေး ပြေးသွားခဲ့

ခွဲစိတ်ခန်း ဝင်ရမယ့်အတွက် ဆေးရုံကို အချိန်မီရောက်ဖို့ လိုနေတဲ့ ဆရာဝန်တစ်ယောက်ဟာ ကားလမ်းပိတ်နေလို့ ၂ မိုင်အကွာအဝေးကို ပြေးသွားခဲ့ရပါတယ်။ အစာအိမ်နဲ့ အူလမ်းကြောင်းဆိုင်ရာ ခွဲစိတ်ဆရာဝန် ဒေါက်တာဂိုဗင်နန်ဒါကူမာဟာ သြဂုတ်လ ၃၀ ရက်က ဘန်ဂါလူရူမြို့ ဆေးရုံမှာ လူနာတစ်ယောက်ကို ခွဲစိတ်ဖို့ ချိန်းဆိုထားခဲ့တာပါ။

ပုံမှန်အားဖြင့် သူ့အိမ်ကနေ ဆေးရုံကို ရောက်ဖို့ မိနစ် ၃၀ ကနေ ၄၅ မိနစ်ကြားပဲ ကြာပေမဲ့ အဲဒီနေ့မှာ ကားတွေပိတ်နေလို့ ၅ မိနစ်၊ ၁၀ မိနစ်လောက်ပဲ သွားရမယ့်အကွာအဝေးကို ၄၅ မိနစ်လောက် ကြာမယ်လို့ Google က ဖော်ပြခဲ့ပါတယ်။ တကယ်လို့ သူသာ ဆေးရုံကို အချိန်မီ မရောက်ဘူးဆိုရင် ခွဲစိတ်လူနာရော၊ တခြားလူနာတွေအတွက်ပါ အန္တရာယ်ရှိနိုင်လို့ ဒေါက်တာဂိုဗင်က သူ့ကားကို ယာဉ်မောင်းနဲ့ထားခဲ့ပြီး ၂ မိုင်အကွာအဝေးကို ပြေးသွားခဲ့တာပါ။

ဆေးရုံကို သူ အပြေးသွားနေတဲ့ ဗီဒီယိုကိုလည်း ဒေါက်တာဂိုဗင်က လူမှုကွန်ရက်ပေါ် တင်ခဲ့ပါတယ်။ ဆေးရုံကို ဒေါက်တာဂိုဗင်အချိန်မီ ရောက်ခဲ့သလား၊ ခွဲစိတ်မှု အောင်မြင်ခဲ့သလားဆိုတာတော့ မသိရပါဘူး။

Ref: Doctor Ditches Car Stuck In Traffic, Runs 45 Minutes To Perform Surgery

NZ (ရိုးရာလေး)