ရေချိုးခန်းထဲက အလှပြုပြင်နည်း အမှားများ

တစ်ကိုယ်ရည် သန့်ရှင်းစင်ကြယ်ဖို့အတွက် တော်တော်များများ ထိန်းသိမ်းမှုတွေကို ရေချိုးနေစဉ်အတွင်းမှာပဲ ပြုလုပ်ကြတာလေ။ ဥပမာ အမွေးအမှင်ရိတ်တာနဲ့ ချေးတိုက်၊ ချေးတွန်းတာတွေ အပါအဝင်ပေါ့။

ဒီလိုဆို ကိုယ်မမျှော်လင့်ထားဘဲ မှားယွင်းစွာ လုပ်နေမိတဲ့ အလှအပ ပြုပြင်နည်းတွေက ဘာတွေဖြစ်မယ်ဆိုတာ ဆက်ကြည့်လိုက်ကြရအောင်ပါ။

ခေါင်းလျှော်ရည်ကို အရင်သုံးပြီး ပျော့ဆေးကိုနောက်မှသုံးတာ

သင့်ရဲ့ဆံသားက ခြောက်သွေ့တဲ့ ဆံသားမျိုးဆိုရင် ပျော့ဆေးနဲ့ အရင် (၅-၁၀) မိနစ်လောက် နှပ်ထားပြီးမှ ခေါင်းလျှော်ရည်သုံးပြီး ရေဆေးချတာက ပိုကောင်းပါတယ်။ ခေါင်းလျှော်တိုင်း ခေါင်းလျှော်ရည် အရင်သုံးပြီး ပျော့ဆေး နောက်မှသုံးတာထက် ပျော့ဆေးနဲ့ အရင်နှပ်ပြီးမှ ရေဆေးချတာက ဆံသား ခြောက်သွေ့တတ်သူတွေအတွက် ပိုအဆင်ပြေပါတယ်လို့ ဆံသားပညာရှင်တွေက ဆိုပါတယ်။

မကြာခဏအမွေးအမှင်ရိတ်တာ

သွားခါနီးလာခါနီး ဘာမှမပြင်မဆင်ဘဲ မကြာခဏ ရေချိုးရင်း အမွေးရိတ်တတ်တာက ရေရှည်အတွက် မကောင်းပါဘူး။ အမွေးလေးတွေ ပြန်ပေါက်တဲ့အခါ ကြမ်းကြမ်းတမ်းတမ်းကြီး ဖြစ်မနေဖို့အတွက် ရိတ်ပြီးတဲ့အခါတိုင်း ရေနွေးငွေ့နဲ့ ပေါင်းတင်တာမျိုးတွေ၊ ခရင်မ် တစ်ခုခု လိမ်းပေးတာမျိုးတွေကိုလည်း ပြန်ပြုလုပ်ပေးဖို့ လိုပါသေးတယ်။ နောက်ထပ် exfoliate (သို့) scrub တွေကိုလည်း အမွေးရိတ်ပြီးတိုင်း ဆဲလ်သေတွေကို ကွာကျစေဖို့အတွက် ပုံမှန် ပြုလုပ်ပေးသင့်ပါတယ်။ ဒါမှ နူးညံ့တဲ့ အသားအရေမျိုးကို ပိုင်ဆိုင်နိုင်မှာပါ။

မိတ်ကပ်မဖျက်ဘဲ မျက်နှာသစ်တာ

အိုင်းလိုင်နာတွေ၊ အိုင်းရှဲဒိုးတွေ၊ နှုတ်ခမ်းနီတွေ ဘာဆိုဘာမှ မဖျက်ဘဲ ရေချိုးခန်းထဲဝင် မျက်နှာသစ်တာက သင့်ရဲ့ အသားအရေကို ပျက်စီးစေနိုင်ပါတယ်။ ဘယ်မျက်နှာသစ်ဆေးကမှ အညစ်အကြေးတွေကို (၁၀၀%) မသန့်စင်ပေးနိုင်ပါဘူး။ ဒါကြောင့်မို့ မျက်နှာသစ်ဆေးနဲ့ မသစ်မီ မိတ်ကပ်ဖျက်ဆေးနဲ့ အရင် ဖျက်ပေးသင့်ပါတယ်။

အလှကုန်ပစ္စည်းတွေ အများကြီးအသုံးပြုတာ

ဆပ်ပြာများများတိုက်လေ ခန္ဓာကိုယ်က အဆီဓာတ်တွေ များများကုန်ဆုံးလေပါ။ ဘုယျအားဖြင့် ဆပ်ပြာခဲတွေက ဆပ်ပြာရည်ထက် သင့်အသားအရေကို ပိုပြီး ခြောက်သွေ့လွယ်စေပါတယ်။ နို့ရည်၊ ပျားရည်နဲ့ ရှားစောင်လက်ပပ်ပါတဲ့ ဆပ်ပြာရည်တွေကို ဦးစားပေး အသုံးပြုပေးပါ။

ရေပူနဲ့ချိုးတာ

ရေနွေးနဲ့ချိုးရင် အသားအရေလှတယ်ထင်ပြီး အယူအဆ လွဲမှားနေတဲ့သူတွေ ရှိပါတယ်။ သွေးလည်ပတ်မှုကို ကောင်မွန်စေပြီး ကြွက်သားတွေကို ပြေလျော့စေတဲ့အပြင် စိတ်ဖိစီးမှုတွေကိုပါ လျော့ကျစေနိုင်တဲ့အတွက် အေးတဲ့ရာသီတွေမှာ ရေနွေးနဲ့ချိုးတာလောက် ကောင်းတာမရှိပါဘူး။ သို့ပေမဲ့ ရေနွေးနဲ့ချိုးပြီးတိုင်း ရေအေးနဲ့ တစ်ခါ ပြန်လောင်းပေးဖို့ မမေ့ပါနဲ့။

Ref: Pinterest “5 Beauty Mistakes You’re Making In The Shower”

Po Mo Htoo Aung (ရိုးရာလေး)