ရန်ကုန်၊ သြဂုတ် (၂၀)
တပ်မတော်နဲ့ ကရင်နီအမျိုးသားတိုးတက်ရေးပါတီရဲ့တပ်တွေကြား တိုက်ပွဲတွေဖြစ်ပွားနေတဲ့အတွက် ကယားပြည်နယ်၊ နန်းဖီဒေသက ပြည်သူတွေ နေရပ်စွန့်ခွာထွက်ပြေးနေရတယ်လို့ သိရပါတယ်။
“တပ်မတော်နဲ့ ဒေသခံတပ်တွေ အပြန်အလှန်တိုက်ပွဲဖြစ်နေပါ။ နန်းဖီဒေသ လူဦးရေ (၄,၀၀၀) ဝန်းကျင်က အိုးအိမ်စွန့်ခွာထွက်ပြေးနေရတယ်။” လို့ UNHCR က တာဝန်ရှိသူတစ်ဦးက ပြောပါတယ်။
ဖေဖော်ဝါရီလ (၁) ရက်နောက်ပိုင်း ဖြစ်ပွားနေတဲ့ တိုက်ပွဲတွေနဲ့ လုံခြုံရေးအခြေအနေတွေကြောင့် လူဦးရေ (၁၅၄,၈၀၀) က နိုင်ငံအတွင်းမှာ အိုးအိမ်စွန်ခွာထွက်ပြေးနေရပြီး အဲ့ဒီထဲမှာ ကယားပြည်နယ်က လူဦးရေ (၈၆,၀၀၀)၊ ရှမ်းပြည်နယ်က လူဦးရေ (၂၀,၃၀၀) နဲ့ မွန်ပြည်နယ်က လူဦးရေ (၁,၁၀၀) ပါဝင်နေပါတယ်။
“လူထုအသိုင်းအဝိုင်းအတွင်းနဲ့ စစ်ရှောင်စခန်းတွေမှာ ပဋိပက္ခဒဏ်ကို ခံစားနေကြရတဲ့အပြင် အကူအညီလိုအပ်ချက်တွေလည်းရှိနေပါတယ်။ အဲ့ဒီနေရာတွေမှာ COVID-19 ဖြစ်ပွားမှုနဲ့ လူသားချင်းစာနာမှုအခြေအနေဟာ ပိုမိုဆိုးရွားလာပါတယ်။” လို့ United Nations OCHA ရဲ့ တာဝန်ရှိသူတစ်ဦးက ပြောပါတယ်။
မြန်မာနိုင်ငံအရှေ့တောင်ပိုင်း ကယားပြည်နယ်နဲ့ ကရင်ပြည်နယ်တွေမှာ တပ်မတော်နဲ့ ပြည်သူ့ကာကွယ်ရေးတပ်တွေကြား၊ တပ်မတော်နဲ့ ကရင်အမျိုးသားလွတ်မြောက်ရေးတပ်တွေကြား တိုက်ပွဲတွေ ဖြစ်ပွားနေပါတယ်။
Photo- Internet
Cherry(ရိုးရာလေး)
