တောင်စောင်းပေါ်ကနေ ပေ ၂၅၀ နက်တဲ့ ချောက်ထဲ ကားထိုးကျသွားခဲ့ပေမဲ့ မိသားစု ၄ ယောက်ဟာ ကံကောင်းထောက်မစွာနဲ့ အသက်ဘေးကနေ လွတ်မြောက်ခဲ့ပါတယ်။ ပြီးခဲ့တဲ့ တနင်္လာနေ့ ဒေသစံတော်ချိန် နံနက် ၁၁ နာရီအချိန်က အမေရိကန်နိုင်ငံ ကယ်လီဖိုးနီးယားပြည်နယ်မှာ Tesla ကားတစ်စီး ချောက်ထဲ ထိုးကျသွားခဲ့ပါတယ်။
ကားပေါ်မှာ ကလေးငယ်နှစ်ဦးအပါအဝင် မိသားစု ၄ ဦး လိုက်ပါလာခဲ့တာပါ။ ကားဟာ ချောက်ထဲကျသွားပြီးနောက် အကြိမ်ကြိမ် လိမ့်ပြီးတော့မှ ရပ်တန့်သွားခဲ့တာပါ။ ဒါပေမဲ့ ကားပေါ်မှာ လိုက်ပါခဲ့တဲ့ မိသားစု ၄ ယောက်ကတော့ အသက်ဘေးက လွတ်မြောက်ခဲ့သလို အသက်အန္တရာယ် စိုးရိမ်ရတဲ့ ဒဏ်ရာမျိုးလည်း မရခဲ့ပါဘူး။
ကယ်လီဖိုးနီးယား မီးသတ်နဲ့ ကယ်ဆယ်ရေးတပ်ဖွဲ့က မိသားစု ၄ ယောက်ကို ရဟတ်ယာဉ်နဲ့ ကယ်တင်ပေးခဲ့တာပါ။
Ref: Family Rescued After Lucky Tesla Survives Plunge Over Cliff in California
NZ (ရိုးရာလေး)
