အသီးအရွက်ကိုအဓိကထားစားသုံးပြီး ရာသီဥတုပြောင်းလဲမှုကိုတားဆီးနိုင်

အသီးအရွက် အဓိကထားစားသုံးတဲ့စားသောက်မှုပုံစံကို ပြောင်းလဲရင် ရာသီဥတုပြောင်းလဲမှုကိုတားဆီးဖို့ အထောက်အပံ့ဖြစ်စေနိုင်တယ်လို့ ကုလသမဂ္ဂရဲ့ ကျွမ်းကျင်ပညာရှင်တွေက ပြောပါတယ်။ အနောက်နိုင်ငံတွေမှာ အသားနဲ့ နို့ထွက်ပစ္စည်းစားသုံးမှုမြင့်မားလာတာဟာ ကမ္ဘာကြီးပူနွေးမှုကိုအထောက်အပံ့ဖြစ်စေနိုင်တယ်လို့ မြေယာအသုံးပြုမှုနဲ့ ရာသီဥတုပြောင်းလဲမှုဆိုင်ရာ အစီရင်ခံစာမှာဖော်ပြထားပါတယ်။

ဒါပေမဲ့ သိပ္ပံပညာရှင်တွေက ကမ္ဘာတစ်ဝန်းမှာမှီတင်းနေထိုင်သူကြတွေကို သက်သက်လွတ်စားကြဖို့တိုက်ရိုက်တိုက်တွန်းခဲ့တာမျိုးတော့မရှိပါဘူး။ လူသားတွေက အသားစားသုံးမှုကိုလျှော့ချလိုက်ရင် မြေယာအနည်း အကျဉ်းအသုံးပြုရုံနဲ့ လူအများအပြားအတွက် စားနပ်ရိက္ခာထုတ်လုပ်ပေးနိုင်မယ်လို့ သိပ္ပံပညာရှင်တွေကပြောပါတယ်။ မြေယာကို ထိထိရောက်ရောက်အသုံးပြုရင် လူသားတွေကြောင့်ဖြစ်ပေါ်တဲ့ ကာဗွန်ထုတ်လွှတ်မှု ပမာဏကိုလျှော့ချနိုင်လိမ့်မယ်လို့ အစီရင်ခံစာမှာဖော်ပြထားပါတယ်။ မြေမျက်နှာပြင်ကိုထိခိုက်အောင်လုပ်တာ၊ သစ်ပင်ကိုရှင်းလင်းခုတ်ထွင်ပြီး လွင်တီးခေါင်ပြင်ဖြစ်အောင်လုပ်တာတွေက ရာသီဥတုပြောင်းလဲစေနိုင်လို့ အဲဒီလုပ်ရပ်မျိုးမလုပ်ကြဖို့လည်း အစီရင်ခံစာမှာတိုက်တွန်းထားပါတယ်။

Nz (ရိုးရာလေး)