အငြင်းပွားဖွယ်မရှိ ဟဲဗီးဝိတ်ချန်ပီယံဟောင်းဖြစ်ခဲ့တဲ့ အီဗန်ဒါဟိုလီဖီးလ်ဟာ ပရဟိတအဖွဲ့အတွက် ရန်ပုံငွေ တိုးမြှင့်ရရှိအောင် သရုပ်ပြပွဲတွေ ကစားသွားမယ်လို့ ကြေညာခဲ့ပါတယ်။ အသက် ၅၇ နှစ်ရှိတဲ့ ဟိုလီဖီးလ်ဟာ လက်ဝှေ့ကြိုးဝိုင်းထဲ ပြန်ဝင်လာဖို့ ဆန္ဒရှိနေတယ်ဆိုတာကို ပြီးခဲ့တဲ့ဗုဒ္ဓဟူးနေ့ညမှာ သူ့ရဲ့လူမှုကွန်ရက်တွေကနေ ကြေညာခဲ့ပါတယ်။
” အဆင်သင့်ဖြစ်ပြီလား။ ပရိသတ်တွေအားလုံး မျှော်လင့်နေတဲ့အခိုက်အတန့် ရောက်ရှိလာပါပြီ။ ချန်ပီယံကြီး ပြန်လာပြီ။ ကျွန်တော် ကြိုးဝိုင်းထဲပြန်ဝင်လာမယ့်အကြောင်း ကြေညာပါရစေ။ #Unite4OurFight အတွက် ရန်ပုံငွေရှာပေးဖို့ သရုပ်ပြပွဲတွေ ကစားသွားမှာပါ” လို့ ဟိုလီဖီးလ်က ရေးသားထားပါတယ်။ ဟိုလီဖီးလ်ဟာ ၁၉၉၀ ပြည့်နှစ်တွေအတွင်း သံမဏိမိုက်တိုင်ဆန်နဲ့ ၂ ပွဲထိုးသတ်ခဲ့ဖူးပြီး ၂ ပွဲလုံး အနိုင်ရခဲ့သူပါ။ သူဟာ ၂၀၁၁ ခုနှစ်မှာ ဒိန်းမတ်ဖိုက်တာ ဘရိုင်ယန်နယ်ဆင်ကို အနိုင်ရခဲ့ပြီးနောက်ပိုင်း လက်ဝှေ့လောကကနေ အနားယူခဲ့သူပါ။ မိုက်တိုင်ဆန်ကလည်း ပရဟိတအဖွဲ့တွေအတွက် ရန်ပုံငွေပွဲစဉ်တွေ ထိုးသတ်ဖို့ ကြိုးဝိုင်းထဲ ပြန်ဝင်လာဖို့ ဆန္ဒရှိနေသူပါ။
Nz (ရိုးရာလေး)
